വാട്സ്ആപ്പിലൂടെ പ്രചരിക്കുന്ന എയര്‍ടെലിന്റെ പേരിലുള്ള 2,000 രൂപയുടെ ദീപാവലി ഓഫര്‍ വ്യാജമാണെന്നാണ് മുന്നറിയിപ്പ്.

അജ്ഞാത നമ്പറുകളില്‍ നിന്നാണ് ഇത്തരം സന്ദേശങ്ങള്‍ എത്തുന്നത്. 'Airtel – Diwali ka Tyohaar' എന്ന പേരിലുള്ള സന്ദേശത്തില്‍ നല്‍കിയിരിക്കുന്ന ലിങ്കില്‍ ക്ലിക്ക് ചെയ്താല്‍ 2,000 രൂപ സൗജന്യമായി ലഭിക്കുമെന്നാണ് അവകാശവാദം. എന്നാൽ ഈ ലിങ്ക് വഴി ഉപയോക്താക്കളുടെ ബാങ്ക് അക്കൗണ്ടിലെ പണം തട്ടിയെടുക്കാന്‍ സാധ്യതയുണ്ടെന്നാണ് മുന്നറിയിപ്പ്.

ശ്രദ്ധിക്കേണ്ട കാര്യങ്ങള്‍:

* അജ്ഞാത നമ്പറുകളില്‍ നിന്ന് ലഭിക്കുന്ന ഓഫര്‍ ലിങ്കുകളില്‍ ക്ലിക്ക് ചെയ്യരുത്.

* ഔദ്യോഗിക വെബ്‌സൈറ്റിലോ ആപ്പിലോ ഓഫര്‍ സ്ഥിരീകരിക്കുക.

* ബാങ്ക് വിവരങ്ങള്‍, ഒടിപി, യുപിഐ പിൻ എന്നിവ കൈമാറരുത്.

* സംശയകരമായ സന്ദേശങ്ങള്‍ മറ്റുള്ളവര്‍ക്ക് ഫോര്‍വേഡ് ചെയ്യരുത്.

* ഇത്തരം സന്ദേശങ്ങള്‍ അയക്കുന്ന നമ്പറുകള്‍ റിപ്പോര്‍ട്ട് ചെയ്ത് ബ്ലോക്ക് ചെയ്യുക.

സൗജന്യമായി പണം ലഭിക്കുമെന്ന വാഗ്ദാനത്തില്‍ വീണ് സാമ്പത്തിക നഷ്ടം സംഭവിക്കാതിരിക്കാന്‍ ഉപയോക്താക്കള്‍ ജാഗ്രത പാലിക്കണം.