ചെയ്ത സേവനത്തിനാണ് മകൾ വീണ പണം സ്വീകരിച്ചത്. ഇഡി സിപിഐഎമ്മിനെ ലക്ഷ്യമിടുകയാണെന്നും പിണറായി വിജയൻ കുറ്റപ്പെടുത്തി. ”നിന്നെയല്ല നിന്റെ അച്ഛനെ നോക്കുന്നു” എന്നാണ് ഇഡി നിലപാടെന്നും പിണറായി പറഞ്ഞു. അച്ഛൻ എന്തൊക്കെ കണ്ടതാണെന്നും പിണറായി വിജയൻ പരാമർശിച്ചു.

എക്സാലോജിക് – സിഎംആർഎൽ കരാർ ഉണ്ടാക്കിയിരുന്നു. അതുപ്രകാരം സിഎംആർഎല്ലിന് സേവനം നൽകുകയും ചെയ്തു. കരാർ കൃത്യമാണെന്ന് പിണറായി വിജയൻ വിശദീകരിച്ചു. അതിന്റെ പ്രതിഫലം എക്സാലോജിക് സ്വീകരിച്ചു. ആ പണം കാണാനില്ല എന്ന് പറഞ്ഞാൽ കുറ്റമാണ്. പണം കണക്കിൽ ഉണ്ടെന്നും നിയമപ്രകാരം എല്ലാ നികുതികളും അടച്ചാണ് പണം സ്വീകരിച്ചതെന്നും പിണറായി വിജയൻ കൂട്ടിച്ചേർത്തു.

എക്‌സാലോജിക് – സിഎംആർഎൽ ഇടപാടിൽ എന്താണ് കുറ്റമെന്നും പിണറായി വിജയൻ ചോദിച്ചു. നിയമപ്രകാരം എല്ലാ നികുതികളും അടച്ചതാണെന്ന് അദ്ദേ​ഹം കൂട്ടിച്ചേർത്തു. സിപിഐഎമ്മിനെ ലക്ഷ്യമിട്ട് ഇഡി നീങ്ങുകയാണ്. ആർഎസ്എസും ബിജെപിയുമാണ് പിന്നിൽ. കോൺ​ഗ്രസ് പിന്തുണ നൽകുന്നുവെന്ന് പിണറായി വിജയൻ കുറ്റപ്പെടുത്തി. ‌‌ രാഷ്ട്രീയപരമായും, നിയമപരമായും സിപിഐഎം നേരിടുമെന്ന് പ്രതിപക്ഷ നേതാവ് ആവർത്തിച്ചു.