രാജ്യത്തുടനീളം പ്രതിപക്ഷത്തിനെതിരെ രാഷ്ട്രീയ ലക്ഷ്യങ്ങളോടെ ഇഡി എങ്ങനെയാണ് മൊഴികൾ നിർമ്മിച്ചെടുക്കുന്നതെന്ന് എല്ലാവർക്കും അറിയാവുന്നതാണെന്ന് അദ്ദേഹം പറഞ്ഞു.

രാഹുൽ ഗാന്ധി, സോണിയ ഗാന്ധി, കർണാടക മുഖ്യമന്ത്രി എന്നിവർക്കെതിരെയടക്കം ഇഡി സ്വീകരിച്ച അതേ തന്ത്രമാണ് ഇവിടെയും പുറത്തെടുക്കുന്നത്. വീണ വിജയന്റെ ഡയറിയിൽ കണ്ടെത്തിയ വിവരങ്ങൾ ഭാവി ബിസിനസ് സംരംഭങ്ങൾക്ക് ആവശ്യമായി വരുന്ന ചെലവുകളെ കുറിച്ചുള്ള കണക്കുകൾ മാത്രമാണ് എന്നാണ് റിയാസ് പറഞ്ഞത്.

ഒരു പ്രോജക്ട് ആരംഭിക്കുമ്പോൾ ഉണ്ടാകുന്ന കണക്കുകൂട്ടലുകൾ മാത്രമാണത്. അതിൽ കള്ളപ്പണം വാങ്ങി എന്നോ കൊടുത്തു എന്നോ രേഖപ്പെടുത്തിയിട്ടില്ല. ഇഡി അന്വേഷണ സംഘത്തിന് മുന്നിൽ വീണ കൃത്യമായി കാര്യങ്ങൾ വിശദീകരിച്ചിട്ടുണ്ട് എന്നും അദ്ദേഹം പറഞ്ഞു.