പഞ്ചാബ് നാഷണൽ ബാങ്ക് , ബാങ്ക് ഓഫ് ബറോഡ , ഇന്ത്യൻ ബാങ്ക്, ബാങ്ക് ഓഫ് ഇന്ത്യ, യൂകോ ബാങ്ക് എന്നിവയാണ് നിരക്കുകൾ കുറച്ചത്. റിസർവ് ബാങ്ക് റിപ്പോ നിരക്ക് 0.50% കുറച്ചതിന് പിന്നാലെയാണ് ഈ തീരുമാനം. ജൂൺ 6, 2025-ന് നടന്ന പണവായ്പ നയ അവലോകനത്തിലാണ് റിപ്പോ നിരക്ക് 6.00% ൽ നിന്ന് 5.50% ആയി കുറച്ചത്. 2025 ഫെബ്രുവരി മുതൽ റിപ്പോ നിരക്ക് ആകെ 1% കുറച്ചിട്ടുണ്ട്.

റിപ്പോ നിരക്ക് കുറയ്ക്കുമ്പോൾ, അതുമായി ബന്ധിപ്പിച്ചിട്ടുള്ള ഭവന വായ്പകളുടെ പലിശ നിരക്കുകളും കുറയും. ഇത് ഭവന വായ്പ എടുത്തവർക്ക് വലിയ ആശ്വാസമാണ്. പലിശ നിരക്ക് കുറയുന്നതോടെ പ്രതിമാസ തിരിച്ചടവ് തുക കുറയും.