തിരുവനന്തപുരം : ഒഡീഷ്യ, ആന്ധ്ര പ്രദേശ് എന്നിവിടങ്ങളിൽ നിന്ന് 400 മെഗാവാട്ട് കിട്ടി. പവര്‍ എക്സേഞ്ചിൽ നിന്ന് വൈദ്യുതി കുറഞ്ഞാലേ നിയന്ത്രണത്തിന് സാധ്യതയുള്ളൂവെന്ന് കെഎസ്ഇബി വ്യക്തമാക്കി.

അതിനിടെ, വൈദ്യുതി ഉപയോഗത്തിൽ ഉപഭോക്താക്കളും വ്യവസായ സ്ഥാപനങ്ങളും നിയന്ത്രണം പാലിക്കണമെന്നാവശ്യപ്പെട്ട് സര്‍ക്കാര്‍ സര്‍ക്കുലര്‍ ഇറക്കി.വൈകിട്ട് 7 മുതൽ രാത്രി 12 വരെയുള്ള സമയങ്ങളിൽ നിയന്ത്രണം പാലിക്കണമെന്നാണ് ആവശ്യപ്പെട്ടിരിക്കുന്നത്.

കൂടാതെ, എസി താപനില 25 ഡിഗ്രിയിൽ വയ്ക്കണമെന്നും, അനാവശ്യ ദീപാലങ്കാരങ്ങള്‍ ഒഴിവാക്കണമെന്നും ഊര്‍ജ്ജ വകുപ്പ് സെക്രട്ടറി എം ജി രാജമാണിക്യം ഇറക്കിയ സര്‍ക്കുലറിൽ വ്യക്തമാക്കുന്നുണ്ട്.