‘ദേവ സേഫ്’ എന്ന പേരിൽ എല്ലാ ദേവസ്വം ബോർഡുകളിലും ഏകീകൃത ഡിജിറ്റൽ സംവിധാനം കൊണ്ടുവരണമെന്നാണ് ശുപാർശ.

സ്വർണം ഉൾപ്പെടെയുള്ള വിലപിടിപ്പുള്ള വസ്തുക്കളുടെ കൃത്യമായ കണക്കെടുപ്പ് നടത്തി ഡിജിറ്റൽ രേഖയിൽ ഉൾപ്പെടുത്തണം. വസ്തുക്കൾ പുറത്തേക്ക് നൽകുന്നതു മുതൽ അവയുടെ കസ്റ്റഡി ഏത് ഉദ്യോഗസ്ഥനാണെന്നത് വരെയുള്ള വിവരങ്ങളും ഡിജിറ്റൽ സംവിധാനത്തിൽ രേഖപ്പെടുത്തണമെന്നാണ് നിർദേശം.

സ്വർണം പൊതിയുന്നതിനോ സ്വർണപ്പൂശൽ നടത്തുന്നതിനോ വേണ്ടി പുറത്തേക്ക് കൊണ്ടുപോകുന്നതിന് മുമ്പ് അതിന്റെ തൂക്കം, അളവ്, ഗുണനിലവാരം എന്നിവ കൃത്യമായി രേഖപ്പെടുത്തണം. അറ്റകുറ്റപ്പണികൾക്കോ മറ്റ് ആവശ്യങ്ങൾക്കോ ശേഷം തിരിച്ചെത്തിക്കുന്ന സമയത്തും ഇവ പരിശോധിച്ച് ഡിജിറ്റൽ രേഖയിൽ ഉൾപ്പെടുത്തിയതിന് ശേഷമേ പണം നൽകാവൂവെന്നും ശുപാർശ ചെയ്യുന്നു.