കറന്റ് റിസര്‍വേഷന്‍ കൗണ്ടറുകള്‍ വഴിയും ഓണ്‍ലൈന്‍ പ്ലാറ്റ്‌ഫോമുകളിലൂടെയും യാത്രക്കാര്‍ക്ക് ടിക്കറ്റുകള്‍ ബുക്ക് ചെയ്യാവുന്നതാണ്. യാത്രക്കാര്‍ക്ക് തീവണ്ടി പുറപ്പെടുന്നതിന് കുറച്ച് നേരം മുമ്പ് പോലും ബാക്കി ടിക്കറ്റുകള്‍ ലഭ്യമാകുന്നതായി അധികൃതര്‍ വ്യക്തമാക്കി.

വന്ദേഭാരത് തീവണ്ടികളുടെ ടിക്കറ്റ് ബുക്കിങ് ഇതുവരെ പ്രത്യേകമായ നിബന്ധനകളോടെയാണ് നടപ്പിലാക്കിയിരുന്നത്. ചാര്‍ട്ട് തയ്യാറാക്കിയ ശേഷം ശേഷിക്കുന്ന ടിക്കറ്റുകള്‍ ലഭ്യമാകാറുണ്ടെങ്കിലും, പല സ്റ്റേഷനുകളിലും കറന്റ് റിസര്‍വേഷന്‍ സൗകര്യം ഇല്ലാതിരുന്നതിനാല്‍ യാത്രക്കാര്‍ ബുദ്ധിമുട്ട് അനുഭവിക്കുന്ന നിലയായിരുന്നു. ഇനി എല്ലാ സ്റ്റോപ്പ് സ്റ്റേഷനുകളിലൂടെയും കറന്റ് ടിക്കറ്റ് സൗകര്യം ലഭ്യമാകുന്നതോടെ യാത്രക്കാര്‍ക്ക് ഒട്ടും വൈകാതെ യാത്ര ആരംഭിക്കാവുന്ന സാഹചര്യം ഒരുക്കിയിരിക്കുകയാണ് റെയില്‍വേ.

ഓണ്‍ലൈന്‍ റൂട്ടുകളില്‍ കൂടാതെ സ്റ്റേഷനുകളിലെ റിസര്‍വേഷന്‍ കൗണ്ടറുകളിലും ഈ സേവനം ലഭ്യമായിരിക്കും. ടെക്‌നോളജിയുടെ സഹായത്തോടെ സമയബന്ധിതമായി ടിക്കറ്റുകള്‍ ബുക്ക് ചെയ്യാനുള്ള സൗകര്യം പുതിയ യാത്രാനുഭവം മെച്ചപ്പെടുത്തുമെന്ന് ദക്ഷിണ റെയില്‍വേ അധികൃതര്‍ വ്യക്തമാക്കി. യാത്രക്കാര്‍ ഏറ്റവും അടുത്ത സ്റ്റേഷനില്‍നിന്ന് പോലും ഒടുവില്‍ ടിക്കറ്റ് ലഭിച്ച് യാത്ര ചെയ്യാനാകുന്ന വിധമാണ് പുതിയ സംവിധാനം രൂപപ്പെടുത്തിയിരിക്കുന്നത്.