തിരുവനന്തപുരം :
വൈദ്യുതി വാങ്ങാൻ സർക്കാർ അനുമതി തേടിയിരിക്കുകയാണ് കെഎസ്ഇബി. ഹിമാചൽ ആവശ്യപ്പെടുന്നത് യൂണിറ്റിന് 14.5 രൂപയാണ്. വില 12.50 രൂപയിലേക്ക് കുറയ്ക്കാമെന്ന പ്രതീക്ഷയിലാണ് കെഎസ്ഇബി.

എന്നാൽ ഇതുസംബന്ധിച്ച് മുഖ്യമന്ത്രിയും വൈദ്യുതി മന്ത്രിയും ചർച്ച നടത്തിയെങ്കിലും തീരുമാനമായില്ല.അടുത്തമാസം പീക്ക് അവർ കമ്മി 738 മെ​ഗാവാട്ട് വരെയാണ്. ഹിമാചൽ വാഗ്ദാനം 864 മെ​ഗാവാട്ട് മുതൽ 1280 മെ​ഗാവാട്ട് വരെയാണ്. മെയ് വരെ വൈദ്യുതി നൽകാമെന്നും ഹിമാചൽ പ്രദേശ് പറയുന്നു.

അതേസമയം വൈദ്യുതി വാങ്ങാനായി ഇതുവരെ റെഗുലേറ്ററി കമ്മീഷന്റെ അനുമതിക്ക് അപേക്ഷിച്ചില്ല. സർക്കാർ അനുമതിക്ക് ശേഷം അപേക്ഷിക്കാനാണ് കെഎസ്ഇബി നീക്കം. ടെണ്ടറുകൾ വിളിച്ചിട്ടും പീക്ക് അവറിൽ കുറഞ്ഞ വിലക്ക് കരാറുകാരില്ല.