സംസ്ഥാനത്ത് സാമൂഹ്യക്ഷേമ പെൻഷൻ വിതരണം ഓഗസ്റ്റ് 18 മുതൽ ആരംഭിക്കുമെന്ന് മുഖ്യമന്ത്രി വാർത്താസമ്മേളനത്തിൽ അറിയിച്ചു. 59.472 ലക്ഷം പേർക്കാണ് ഈ ആനുകൂല്യം ലഭിക്കുക.

ഇതിനുപുറമെ, ഓണക്കാലത്തോടനുബന്ധിച്ച് തൊഴിലുറപ്പ് തൊഴിലാളികൾക്ക് 1200 രൂപയും ആശാ പ്രവർത്തകർക്ക് 1450 രൂപ ബോണസും പ്രഖ്യാപിച്ചു.

സപ്ലൈകോയ്ക്ക് 53 കോടി രൂപ മുൻകൂറായി അനുവദിച്ചതിനൊപ്പം ആരോഗ്യ കിരണം പദ്ധതിയിലെ കുടിശ്ശിക തീർപ്പാക്കാൻ 200 കോടി രൂപയും വകയിരുത്തിയിട്ടുണ്ട്. നിലവിൽ സൗജന്യ ഓണക്കിറ്റ് വിതരണം പരാതികളില്ലാതെ പുരോഗമിക്കുകയാണെന്നും ഇതുവരെ 75,875 കാർഡ് ഉടമകൾ കിറ്റുകൾ കൈപ്പറ്റിയെന്നും അദ്ദേഹം വ്യക്തമാക്കി.

ഓണക്കാലത്ത് ജനങ്ങൾക്ക് പരമാവധി ആശ്വാസം എത്തിക്കുന്ന പദ്ധതികളാണ് സർക്കാർ നടപ്പിലാക്കുന്നത്.