പശ്ചിമേഷ്യൻ സംഘർഷം തുടരുന്ന സാഹചര്യത്തിൽ വരും ദിവസങ്ങളിൽ രൂപയുടെ മൂല്യം 95 കടക്കുമെന്നാണ് സാമ്പത്തിക വിദഗ്ധരുടെ മുന്നറിയിപ്പ്.

ഇറാൻ-ഇസ്രായേൽ സംഘർഷം ശക്തമായതോടെ ആഗോള വിപണിയിലുണ്ടായ അനിശ്ചിതത്വം രൂപയെ പ്രതികൂലമായി ബാധിച്ചു.
വിദേശ നിക്ഷേപകർ ഇന്ത്യൻ ഓഹരി വിപണിയിൽ നിന്ന് വൻതോതിൽ പണം പിൻവലിക്കുന്നത് രൂപയുടെ മൂല്യം ഇടിയാൻ കാരണമായി. യുദ്ധം മൂലം ഇന്ധന വിതരണം തടസ്സപ്പെട്ടതും ആഗോള വിപണിയിൽ ക്രൂഡ് ഓയിൽ വില വർദ്ധിച്ചതും ഇറക്കുമതി ചെലവ് കൂട്ടി.

കഴിഞ്ഞ ഏതാനും ദിവസങ്ങൾക്കുള്ളിൽ മാത്രം രണ്ട് ശതമാനത്തിലധികം ഇടിവാണ് രൂപയുടെ മൂല്യത്തിലുണ്ടായത്. ഇത് രാജ്യത്ത് ഇറക്കുമതി ചെയ്യുന്ന സാധനങ്ങളുടെ വില വർദ്ധിപ്പിക്കുകയും അതുവഴി നിത്യോപയോഗ സാധനങ്ങൾക്കും ഇന്ധനത്തിനും വൻ വിലക്കയറ്റമുണ്ടാക്കാനും സാധ്യതയുണ്ട്. പ്രവാസികൾക്ക് നാട്ടിലേക്ക് പണമയക്കുമ്പോൾ കൂടുതൽ തുക ലഭിക്കുമെങ്കിലും രാജ്യത്തിന്റെ ആഭ്യന്തര സാമ്പത്തിക ഭദ്രതയെ ഇത് ദോഷകരമായി ബാധിക്കും.