പാർലമെന്റ് സമ്മേളനത്തിൽ ഇതിനുള്ള ഭരണഘടനാ ഭേദഗതികൾ അവതരിപ്പിക്കും.

ഈ ബില്ലുകൾ പാസായാൽ കേരളത്തിലെ നിയമസഭാ സീറ്റുകളുടെ എണ്ണം 140 ൽ നിന്ന് 210 ആകും. ലോക്‌സഭയിലെ സീറ്റെണ്ണം 543 ൽ നിന്ന് 816 ആകും. ഇനി ഭരണ ഭൂരിപക്ഷത്തിന് ഇനി 409 സീറ്റുവേണം. കേരളത്തിലെ ലോക്‌സഭാ സീറ്റെണ്ണം 20 ൽ നിന്ന് 30 ആകും.

അഞ്ച് പതിറ്റാണ്ടിനു മുമ്പാണ് ലോക്‌സഭാ സീറ്റുകളുടെ എണ്ണം അവസാനമായി പുതുക്കി നിശ്ചയിച്ചത്. സംസ്ഥാനങ്ങളിലെ രാജ്യസഭയുടെയും ലെജിസ്ലേറ്റീവ് കൗൺസിലുകളുടെയും ശക്തിയെ ഇത് ബാധിക്കില്ല.

2011 ലെ സെൻസസിന്റെ അടിസ്ഥാനത്തിൽ വനിതാ സംവരണം നടപ്പാക്കാനാണ് ആലോചന. ഈ വിഷയങ്ങളിൽ സമവായമുള്ള തീരുമാനമെടുക്കാൻ ആഭ്യന്തരമന്ത്രി അമിത് ഷാ പ്രതിപക്ഷ നേതാക്കളുമായി ചർച്ചകൾ നടത്തി.

ലോക്‌സഭയിലെ സീറ്റുകളുടെ എണ്ണത്തിൽ 50% വർദ്ധനയുണ്ടാകും. വർദ്ധിക്കുന്നതിൽ 273 സീറ്റുകൾ സ്ത്രീകൾക്കായി നീക്കിവയ്‌ക്കും.
ഇതിനു മുന്നോടിയായുള്ള
അതിർത്തി നിർണ്ണയം സംബന്ധിച്ചും, ഇരുസഭകളിലും മൂന്നിൽ രണ്ട് പിന്തുണ ആവശ്യമുള്ള ഭരണഘടനാ ഭേദഗതിക്കുള്ളതുമായ രണ്ട് ബില്ലുകൾ പാർലമെന്റ് പാസാക്കേണ്ടതുണ്ട്. ഏപ്രിൽ 4 ന് അവസാനിക്കുന്ന ബജറ്റ് സമ്മേളനത്തിൽ ബിൽ പാസാക്കാൻ സർക്കാർ ശ്രമിക്കും. അത് നടപ്പിലായില്ലെങ്കിൽ വനിതാ സംവരണം ഉറപ്പാക്കാൻ പ്രത്യേക പാർലമെന്റ് സമ്മേളനം ചേരാൻ ആലോചനയുണ്ട്.

പ്രതിപക്ഷ പാർട്ടികളുമായും എൻഡിഎ ഇതര ബ്ലോക്കിലെ പ്രാദേശിക പാർട്ടികളുമായും ബിജെപിയുടെ സഖ്യകക്ഷികളുമായും ആഭ്യന്തരമന്ത്രി അമിത് ഷാ കൂടിക്കാഴ്ച നടത്തി.

യുപി, ബീഹാർ തുടങ്ങിയ സംസ്ഥാനങ്ങളിലെ ലോക്‌സഭാ മണ്ഡലങ്ങൾ യഥാക്രമം നിലവിലുള്ള 80 ഉം 40 ഉം ആയതിൽ നിന്ന് 120 ഉം 60 ഉം ആകും, കേരളത്തിലെത് 20 ൽ നിന്ന് 30 ആയി ഉയരും.

ഒറ്റ സംഖ്യയുള്ള സംസ്ഥാനങ്ങളിൽ (തമിഴ്‌നാട്ടിൽ 39 ഉണ്ട്), ഡീലിമിറ്റേഷൻ കമ്മീഷൻ വിശദാംശങ്ങൾ തയ്യാറാക്കും, പക്ഷേ വർദ്ധന സമാനമായ അനുപാതത്തിലായിരിക്കും.
എസ്‌സി/എസ്ടി വിഭാഗങ്ങൾക്കുള്ള സംവരണ സീറ്റുകളും സമാനമായ വ്യവസ്ഥകൾക്ക് കീഴിൽ വരും. നിലവിലെ ലോക്‌സഭയിൽ പട്ടികജാതിക്കാർക്ക് 84 സീറ്റുകളാണുള്ളത്, എണ്ണം 126 ആയി ഉയരുമെന്ന് പ്രതീക്ഷിക്കുന്നു, അതേസമയം പട്ടികവർഗക്കാർക്ക് സംവരണം ചെയ്തിരിക്കുന്ന മണ്ഡലങ്ങൾ 47 ൽ നിന്ന് 70 ആയി ഉയരും. ഒന്നോ രണ്ടോ ലോക്‌സഭാ സീറ്റുകൾ ഉള്ള ചില കേന്ദ്രഭരണ പ്രദേശങ്ങളിലും സംസ്ഥാനങ്ങളിലും ഓരോ മൂന്നാമത്തെ തിരഞ്ഞെടുപ്പിലും സ്ത്രീകൾക്കായി സംവരണം ചെയ്യും.

അതേസമയം സ്ത്രീകൾക്കായി സംവരണം ചെയ്ത സീറ്റുകൾ മൂന്ന് ടേം വരെ തുടരും, തുടർന്ന് ഓപ്പൺ കാറ്റഗറിയിൽ ഉൾപ്പെടുത്തും.