ചെയര്‍മാനെയും തന്നെയും തെറ്റിക്കണമെന്ന് പലരും ആഗ്രഹിക്കുന്നു. എന്നാല്‍ അത് നടക്കില്ല എന്നും അദ്ദേഹം പറഞ്ഞു.

ജോസ് കെ മാണിക്ക് യാതൊരു പരിഭവവുമില്ല. ജോസ് കെ മാണിയും താനും എന്നും ഒരുമിച്ചാണ്. താനും ചെയര്‍മാനും ഒരു മെയ്യ് ആണെന്നും റോഷി അഗസ്റ്റിന്‍ പ്രതികരിച്ചു. കേരള കോണ്‍ഗ്രസില്‍ പരിഭവം പുകയുന്നു എന്ന വാര്‍ത്തകള്‍ക്ക് പിന്നാലെയാണ് വിശദീകരണവുമായി റോഷി അഗസ്റ്റിന്‍ രംഗത്തെത്തിയത്.

ജോസ് കെ മാണിയെ തള്ളിക്കൊണ്ട് റോഷി അഗസ്റ്റിന്‍ അഭിപ്രായങ്ങള്‍ പറയുന്ന സാഹചര്യവുമുണ്ടായിരുന്നു. ഇക്കാര്യങ്ങള്‍ ചര്‍ച്ചയാകുന്നതിനിടെയാണ് പാര്‍ട്ടിയില്‍ യാതൊരു ആശയക്കുഴപ്പവുമില്ലെന്ന് റോഷി അഗസ്റ്റിന്‍ വ്യക്തമാക്കിയത്.