ഇതിന്റെ ഭാഗമായി ഇന്നത്തെ രണ്ടു മെമു ട്രെയിനുകൾ റദ്ദാക്കിയതായി റെയിൽവേ അറിയിച്ചു. പാലക്കാട് – എറണാകുളം മെമു (66609)യും എറണാകുളം – പാലക്കാട് മെമു (66610)യും ആണ് ഇന്ന് റദ്ദാക്കിയിരിക്കുന്നതെന്ന് അധികൃതർ അറിയിച്ചു. മേൽപ്പാലത്തിലെ അറ്റകുറ്റപ്പണികൾ തുടരുന്നതിനാൽ യാത്രക്കാർ മുൻകരുതലുകൾ സ്വീകരിക്കണമെന്ന് അറിയിപ്പിൽ വ്യക്തമാക്കുന്നു.

പാലത്തിന്മേൽ അറ്റകുറ്റപ്പണികൾ നടക്കുന്ന സാഹചര്യത്തിൽ മൂന്ന് പ്രധാന ട്രെയിനുകൾ വൈകിയോടുന്നുണ്ട്. ഇൻഡോർ – തിരുവനന്തപുരം നോർത്ത് എക്സ്പ്രസ് (22645) ഒന്നര മണിക്കൂറും, കണ്ണൂർ-ആലപ്പുഴ എക്സിക്യൂട്ടീവ് (16308) ഒരു മണിക്കൂറും 20 മിനിറ്റും, സിക്കന്ദറാബാദ് – തിരുവനന്തപുരം സെൻട്രൽ ശബരി (17230) അര മണിക്കൂറും വൈകിയാകും ഓടുക. ഇതുമായി ബന്ധപ്പെട്ട് റെയിൽവേ അധികൃതർ യാത്രക്കാരെ മുൻകൂട്ടി അറിയിച്ചിട്ടുണ്ട്.

റെയിൽവേ അതികൃതർ നൽകിയ വിശദീകരണപ്രകാരമാണ് ട്രെയിൻ സമയങ്ങളിൽ ഈ മാറ്റങ്ങൾ വന്നിരിക്കുന്നതെന്നും, ആലുവയിൽ നടക്കുന്ന അറ്റകുറ്റപ്പണികൾ അടുത്ത ഞായറാഴ്ച വരെ തുടരുമെന്നും അവർ അറിയിച്ചു. അതിനാൽ ബുധൻ, ശനി, ഞായർ ദിവസങ്ങളിലെ എറണാകുളം-പാലക്കാട്, പാലക്കാട്-എറണാകുളം മെമു ട്രെയിനുകൾക്കും സർവീസുകൾക്കുമാണ് റദ്ദാക്കൽ ബാധകമാകുന്നത്. അടുത്ത നാല് ദിവസങ്ങൾക്കിടയിൽ മറ്റു ചില ട്രെയിനുകൾക്കും വൈകലുകൾ ഉണ്ടാകാനിടയുള്ളതിനാൽ യാത്രക്കാർ പുതിയ ഷെഡ്യൂൾ പരിശോധിക്കണമെന്നുമാണ് റെയിൽവേ മുന്നറിയിപ്പ്.