ഒരാഴ്ചയിലേറെയായി ശ്വാസകോശ സംബന്ധമായ അണുബാധ മൂലം ബുദ്ധിമുട്ടുന്ന മാര്‍പ്പാപ്പയെ വെള്ളിയാഴ്ചയാണ് റോമിലെ ജെമെല്ലി ആശുപത്രിയില്‍ പ്രവേശിപ്പിച്ചത്.

ഇന്നലെ ഉച്ചകഴിഞ്ഞ് നടത്തിയ തുടര്‍ പരിശോധനയിലാണ് ദ്വിമുഖ ന്യുമോണിയയുടെ ആരംഭം പ്രകടമായതെന്നും അതിനായി അധിക ചികിത്സ ആവശ്യമായി വന്നു എന്നും വത്തിക്കാന്‍ വ്യക്തമാക്കി.

ലാബ് പരിശോധനകള്‍, നെഞ്ചിന്റെ എക്‌സ്-റേ, മാര്‍പ്പാപ്പയുടെ ക്ലിനിക്കല്‍ അവസ്ഥ എന്നിവ സങ്കീര്‍ണ്ണമായ അവസ്ഥ തുടരുന്നു എന്ന് കാണിക്കുന്നതായും വത്തിക്കാന്‍ പുറത്തുവിട്ട പ്രസ്താവനയില്‍ വ്യക്തമാക്കുന്നു.