ചെന്നൈ എഗ്മോർ - കൊല്ലം - ചെന്നൈ എഗ്മോർ റൂട്ടിലാണ് പ്രതിവാര സ്പെഷ്യൽ എക്സ്പ്രസ് ട്രെയിൻ സർവീസ് നടത്തുക.

ചെന്നൈ എഗ്മോർ - കൊല്ലം പ്രതിവാര സ്പെഷ്യൽ എക്സ്പ്രസ് (06117) ഒക്ടോബർ 1 മുതൽ 29 വരെ എല്ലാ വ്യാഴാഴ്ചകളിലും സർവീസ് നടത്തും. വ്യാഴാഴ്ച രാത്രി 11.40-ന് ചെന്നൈ എഗ്മോറിൽനിന്ന് പുറപ്പെടുന്ന ട്രെയിൻ പിറ്റേദിവസം വൈകിട്ട് 04.20-ഓടെ കൊല്ലത്ത് എത്തിച്ചേരും.

മടക്ക സർവീസായ കൊല്ലം - ചെന്നൈ എഗ്മോർ പ്രതിവാര സ്പെഷ്യൽ എക്സ്പ്രസ് (06118) ഒക്ടോബർ 2 മുതൽ 30 വരെ എല്ലാ വെള്ളിയാഴ്ചകളിലുമാണ് സർവീസ് നടത്തുക. വെള്ളിയാഴ്ചകളിൽ വൈകിട്ട് 06.45-ന് കൊല്ലത്തുനിന്ന് പുറപ്പെടുന്ന ട്രെയിൻ ശനിയാഴ്ച ഉച്ചയ്ക്ക് 12.30-ന് ചെന്നൈ എഗ്മോറിൽ എത്തും.

ഒരു എസി ഫസ്റ്റ് ക്ലാസ് കം എസി ടൂ ടയർ, രണ്ട് എസി ടൂ ടയർ, നാല് എസി ത്രീടയർ, 13 സ്ലീപ്പർ ക്ലാസ്, രണ്ട് ലഗേജ് കം ബ്രേക്ക് വാൻ കോച്ചുകൾ എന്നിവയടങ്ങുന്നതാണ് ഈ സ്പെഷ്യൽ ട്രെയിൻ.

കേരളത്തിൽ കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശ്ശേരി, കോട്ടയം, എറണാകുളം ടൗൺ, ആലുവ, തൃശ്ശൂർ, പാലക്കാട് എന്നീ സ്റ്റേഷനുകളിൽ ട്രെയിനിന് സ്റ്റോപ്പുകൾ അനുവദിച്ചിട്ടുണ്ട്.