ലോകത്തെ മതജനസംഖ്യാ മാറ്റങ്ങളെക്കുറിച്ചുള്ള പ്രവചനങ്ങൾ ചർച്ചയാകുന്നതിനിടെ ക്രിസ്ത്യാനികളോട് കൂടുതൽ കുട്ടികൾക്ക് ജന്മം നൽകാനും ക്രിസ്തീയ വിശ്വാസത്തിൽ അവരെ വളർത്താനും ആഹ്വാനം ചെയ്ത് മുൻ വൈറ്റ് ഹൗസ് പ്രസ് സെക്രട്ടറി കരോലിൻ ലീവിറ്റ്.
വിവാഹിതരാകാനും കുടുംബജീവിതത്തിന് പ്രാധാന്യം നൽകാനും കുട്ടികളെ അമേരിക്കയെ സ്നേഹിക്കാൻ പഠിപ്പിക്കാനും അവർ എക്സിൽ കുറിച്ചു.
വാഷിങ്ടൺ പോസ്റ്റിന്റെ റിപ്പോർട്ട് പങ്കുവെച്ചുകൊണ്ടായിരുന്നു ലീവിറ്റിന്റെ പ്രതികരണം. ലോകത്തെ ക്രിസ്ത്യൻ, മുസ്ലിം ജനസംഖ്യകളുടെ വളർച്ചാനിരക്കിലെ വ്യത്യാസമാണ് ഈ ചർച്ചയ്ക്ക് ആധാരം.
“വിവാഹം കഴിക്കുക, കൂടുതൽ കുഞ്ഞുങ്ങൾക്ക് ജന്മം നൽകുക, അവരെ സഭയുടെ വിശ്വാസത്തിൽ വളർത്തുക, അമേരിക്കയെ സ്നേഹിക്കാൻ പഠിപ്പിക്കുക” എന്നായിരുന്നു അവരുടെ കുറിപ്പ്.
പ്യൂ റിസർച്ച് സെന്ററിന്റെ പുതിയ പ്രവചനങ്ങൾ പ്രകാരം 2035ഓടെ ആഗോള മുസ്ലിം ജനസംഖ്യ 257 കോടിയിലെത്തും. ക്രിസ്ത്യൻ ജനസംഖ്യ 252 കോടിയായിരിക്കുമെന്നാണ് കണക്കുകൂട്ടൽ. 2020ൽ ലോകത്ത് 227 കോടി ക്രിസ്ത്യാനികളും 202 കോടി മുസ്ലിങ്ങളുമുണ്ടായിരുന്നു.
മതപരിവർത്തനത്തേക്കാൾ ജനനനിരക്കിലെ വ്യത്യാസമാണ് ജനസംഖ്യാ വളർച്ചയിൽ പ്രധാന പങ്കുവഹിക്കുന്നതെന്ന് പഠനം ചൂണ്ടിക്കാട്ടുന്നു. 2020–2025 കാലയളവിൽ മുസ്ലിം സ്ത്രീകളുടെ ശരാശരി ജനനനിരക്ക് 3.1 കുട്ടികളും ക്രിസ്ത്യൻ സ്ത്രീകളുടേത് 2.5 കുട്ടികളുമായിരുന്നു. മറ്റ് മതവിഭാഗങ്ങളിൽ ഇത് ശരാശരി 1.6 ആണ്.
2025 ജനുവരിയിൽ വൈറ്റ് ഹൗസ് പ്രസ് സെക്രട്ടറിയായി ചുമതലയേറ്റ ലീവിറ്റ് 2026 ഓഗസ്റ്റിൽ പദവി ഒഴിഞ്ഞിരുന്നു. കുടുംബത്തോടൊപ്പം കൂടുതൽ സമയം ചെലവഴിക്കാനുള്ള തീരുമാനത്തിന്റെ ഭാഗമായിരുന്നു പിന്മാറ്റം.
പ്യൂവിന്റെ കണക്കുകൾ പ്രവചനങ്ങളാണെന്നും നിലവിലെ ജനസംഖ്യാ പ്രവണതകൾ തുടരുമെന്ന അനുമാനത്തിലാണ് അവ തയ്യാറാക്കിയിരിക്കുന്നതെന്നും റിപ്പോർട്ട് വ്യക്തമാക്കുന്നു.
CENTRAL MEDIA NEWS DESK | 🌐 www.cmediaonline.in
2035ൽ ക്രിസ്ത്യാനികളേക്കാൾ മുസ്ലിങ്ങൾ കൂടുതലാകുമോ ? ‘വിവാഹം കഴിക്കൂ, കൂടുതൽ കുട്ടികൾക്ക് ജന്മം നൽകൂ’ ; ക്രിസ്ത്യാനികളോട് ആഹ്വാനവുമായി കരോലിൻ ലീവിറ്റ് !
Advertisement
Advertisement
Advertisement