ആരോഗ്യ സംരക്ഷണത്തിന്റെ ഭാഗമായി വ്യായാമം ചെയ്യുന്നവരാണ് ഇന്നത്തെ തലമുറയിൽ ഉള്ളവർ. കൂടുതൽ ആളുകളും ജിമ്മിൽ പോകുന്നവരുമാണ്. എന്നാൽ ബോഡിബിൽഡിംഗിനെ സീരിയസായി എടുത്തവരുമുണ്ട്. അത്തരത്തിലുള്ളവർ പേശികള്‍ക്ക്‌ അധിക പോഷണത്തിനായി ചിലപ്പോള്‍ സ്റ്റിറോയ്ഡുകള് ചേര്‍ന്ന പ്രോട്ടീന്‍ പൗഡറുകളെ ആശ്രയിക്കാറുണ്ട്‌. എന്നാൽ ഇതിന് പിന്നിൽ ചില പ്രശ്നങ്ങളുമുണ്ട്. പ്രോട്ടീന്‍ പൗഡറുകളുടെ അമിതമായ ഉപയോഗം പ്രായമായവരില്‍ കാണപ്പെടുന്നത്‌ പോലുള്ള ഇടുപ്പ് വേദന യുവാക്കളിലും ഉണ്ടാക്കാമെന്ന്‌ എല്ല്‌ രോഗ വിദഗ്‌ധര്‍ പറയുന്നു.
എല്ലുകളിലെ കോശസംയുക്തങ്ങള്‍ ആവശ്യത്തിന്‌ രക്തം ലഭിക്കാതെ നശിച്ച്‌ പോകുന്ന അവാസ്‌കുലര്‍ നെക്രോസിസിന്റെ കാരണങ്ങളില്‍ ഒന്ന്‌ സ്‌റ്റിറോയ്‌ഡ്‌ ഉപയോഗമാണെന്ന്‌ പിഎസ്‌ആര്‍ഐ ഹോസ്‌പിറ്റലിലെ സ്‌പോര്‍ട്‌സ്‌ ഇഞ്ചുറി, ജോയിന്റ്‌ പ്രിസര്‍വേഷന്‍ ആന്‍ഡ്‌ റീപ്ലേസ്‌മെന്റ്‌ സര്‍ജറി ഡയറക്ടര്‍ ഡോ. ഗൗരവ്‌ പ്രകാശ്‌ ഭരദ്വാജ്‌ ഇന്ത്യന്‍ എക്‌സ്‌പ്രസിന്‌ നല്‍കിയ അഭിമുഖത്തില്‍ പറയുന്നു.
ദീര്‍ഘകാലത്തേക്ക്‌ വലിയ ഡോസില്‍ കഴിച്ചാല്‍ സ്റ്റിറോയ്ഡുകള് എല്ലുകളിലേക്കുള്ള രക്തവിതരണത്തെ തടസ്സപ്പെടുത്തും. കുടലിൽ നിന്ന് ആഗിരണം ചെയ്യപ്പെടുന്ന കാൽസ്യത്തിന്റെ അളവ് സ്റ്റിറോയിഡുകൾ കുറയ്ക്കും, ഇത് ശരീരത്തിലെ കാൽസ്യത്തിന്റെ അളവ് കുറയ്ക്കും. മൂത്രത്തിൽ നിന്ന് പുറന്തള്ളപ്പെടുന്ന കാൽസ്യത്തിന്റെ അളവ് വർദ്ധിപ്പിക്കാനും സ്റ്റിറോയിഡുകൾക്ക് കഴിയും, ഇത് ശരീരത്തിലെ കാൽസ്യം സംഭരണത്തെ കൂടുതൽ കുറയ്ക്കും. പുതിയ അസ്ഥികൾ നിർമ്മിക്കുന്നതിന് ഉത്തരവാദികളായ കോശങ്ങളായ ഓസ്റ്റിയോബ്ലാസ്റ്റുകളുടെ പ്രവർത്തനത്തെ സ്റ്റിറോയിഡുകൾക്ക് നേരിട്ട് തടയാൻ കഴിയും.
ഇടുപ്പ് വേദന, നടക്കാന്‍ ബുദ്ധിമുട്ട്‌, പേശികള്‍ക്കും എല്ലുകള്‍ക്കും പിരിമുറുക്കം എന്നിവയെല്ലാം ചിലരില്‍ കാണപ്പെട്ടു വരുന്നു. സ്റ്റിറോയ്‌ഡുകളുടെ ഉപയോഗം കരളിനും ഹൃദയത്തിനും പ്രശ്‌നങ്ങള്‍ ഉണ്ടാക്കാം. എന്തെങ്കിലും രോഗങ്ങള്‍ക്ക്‌ ഡോക്ടര്‍മാരുടെ നിര്‍ദ്ദേശപ്രകാരമല്ലാതെ സ്റ്റിറോയ്ഡുകള് ദീര്‍ഘകാലം ഉപയോഗിക്കുന്നത്‌ രക്തത്തിലും മജ്ജയിലും കൊഴുപ്പ്‌ അടിയാന്‍ കാരണമാകാം. ഉയർന്ന അളവിൽ അല്ലെങ്കിൽ ദീർഘകാലത്തേക്ക് കോർട്ടികോസ്റ്റീറോയിഡുകൾ കഴിക്കുന്ന ആളുകൾക്ക്, പ്രത്യേകിച്ച് നട്ടെല്ല്, ഇടുപ്പ് എന്നിവയിൽ ഒടിവുകൾ ഉണ്ടാകാനുള്ള സാധ്യത കൂടുതലാണ്. സ്റ്റിറോയ്‌ഡിന്‌ പുറമേ അവാസ്‌കുലര്‍ നെക്രോസിസിന്‌ കാരണമാകുന്ന മറ്റൊരു ഘടകമാണ്‌ മദ്യപാനമെന്നും ഡോക്ടര്‍മാര്‍ ചൂണ്ടിക്കാണിക്കുന്നു.
പ്രോട്ടീന്‍ പൗഡറുകളുടെ അമിതമായ ഉപയോഗം പ്രായമായവരില്‍ കാണപ്പെടുന്നത്‌ പോലുള്ള ഇടുപ്പ് വേദന യുവാക്കളിലും ഉണ്ടാക്കാമെന്ന്‌ എല്ല്‌ രോഗ വിദഗ്‌ധര്‍ !!!
Advertisement
Advertisement
Advertisement
