നമ്മൾ ചെയ്യുന്ന വലിയൊരു തെറ്റാണ് പകൽ സമയം ജനലുകൾ തുറന്നിടുന്നത്. ഉച്ചയ്ക്ക് 11 മണി മുതൽ വൈകിട്ട് 4 മണി വരെ ജനലുകളും കർട്ടനുകളും അടച്ചിടുക. പുറത്തെ ചൂടുള്ള കാറ്റ് അകത്തേക്ക് വരുന്നത് തടഞ്ഞാൽ തന്നെ വീടിനുള്ളിലെ താപനില 3-4 ഡിഗ്രി വരെ കുറയും.

ജനലഴികളിലോ ബാൽക്കണിയിലോ നനഞ്ഞ കോട്ടൺ തുണികൾ വിരിച്ചിടുക. പുറത്തുനിന്നുള്ള കാറ്റ് ഈ നനഞ്ഞ തുണിയിലൂടെ കടന്നുവരുമ്പോൾ സ്വാഭാവികമായ ഒരു ‘കൂളർ’ ഇഫക്റ്റ് മുറിക്കുള്ളിൽ ലഭിക്കും.

മണിപ്ലാന്റ്, സ്നേക്ക് പ്ലാന്റ്, അലോവേര തുടങ്ങിയ ഇൻഡോർ ചെടികൾ മുറിക്കുള്ളിലെ വായു തണുപ്പിക്കാൻ സഹായിക്കും. ഇവ വായുവിലെ ഈർപ്പം നിലനിർത്തുന്നതിനാൽ മുറിക്കുള്ളിൽ നല്ല കുളിർമ അനുഭവപ്പെടും.

അടുക്കളയിലെയും ബാത്റൂമിലെയും എക്‌സ്‌ഹോസ്റ്റ് ഫാനുകൾ വൈകുന്നേരങ്ങളിൽ പ്രവർത്തിപ്പിക്കുക. ഇത് വീടിനുള്ളിൽ കെട്ടിക്കിടക്കുന്ന ചൂടുവായുവിനെ പുറത്തേക്ക് തള്ളാൻ സഹായിക്കും.

വൈകുന്നേരം സൂര്യൻ താഴ്ന്ന ശേഷം ടെറസിന് മുകളിൽ അല്പം വെള്ളം നനയ്ക്കുന്നത് സ്ലാബ് തണുപ്പിക്കാൻ സഹായിക്കും. ഇത് രാത്രിയിൽ വീടിനുള്ളിലെ ‘പുഴുക്കം’ ഒഴിവാക്കാൻ ഏറ്റവും നല്ല മാർഗ്ഗമാണ്.