പകൽ സമയത്ത് മുറിക്കുള്ളിലേക്ക് നേരിട്ട് വെയിൽ അടിക്കാതിരിക്കാൻ ജനലുകളും കർട്ടനുകളും അടച്ചിടുക. ഉറങ്ങുന്നതിന് തൊട്ടുമുമ്പ് ഫാൻ ഓണാക്കുന്നതിന് പകരം അല്പം നേരത്തെ തന്നെ മുറി തണുപ്പിക്കാൻ ശ്രമിക്കുക. ഐസ് പാക്കുകളോ തണുപ്പിച്ച വെള്ളം നിറച്ച കുപ്പികളോ തലയിണയ്ക്ക് സമീപം വെക്കുന്നത് തണുപ്പ് നിലനിർത്താൻ സഹായിക്കും.

തനിച്ച് ഉറങ്ങാൻ ശ്രമിക്കുക : ചൂട് കൂടുതലുള്ള രാത്രികളിൽ പങ്കാളിയോടൊപ്പമോ കുട്ടികളോടൊപ്പമോ ഉറങ്ങുന്നത് ശരീരതാപം വർദ്ധിപ്പിക്കാൻ കാരണമാകും. സാധിക്കുമെങ്കിൽ തനിച്ച് ഉറങ്ങുന്നത് വായുസഞ്ചാരം വർദ്ധിപ്പിക്കാനും ശരീരം തണുപ്പിക്കാനും സഹായിക്കും.
കട്ടിയുള്ള പുതപ്പുകൾ ഒഴിവാക്കുക: വേനൽക്കാലത്ത് കട്ടിയുള്ള ബെഡ്ഷീറ്റുകളോ പുതപ്പുകളോ ഉപയോഗിക്കുന്നത് ഒഴിവാക്കുക. പകരം കനം കുറഞ്ഞ കോട്ടൺ തുണികൾ ഉപയോഗിക്കുന്നത് ശരീരത്തിലെ ചൂട് പുറത്തുപോകാൻ സഹായിക്കും. കോട്ടൺ വസ്ത്രങ്ങൾ ധരിക്കുന്നത് വിയർപ്പ് ആഗിരണം ചെയ്യാനും ഗുണകരമാണ്.

ശരീരത്തിലെ ജലാംശം നിലനിർത്തുക : പകൽ സമയത്തും ഉറങ്ങുന്നതിന് മുമ്പും ധാരാളം വെള്ളം കുടിക്കുക. ഇത് ശരീരതാപം നിയന്ത്രിക്കാൻ സഹായിക്കും. എന്നാൽ ഉറക്കത്തിന് തൊട്ടുമുമ്പ് കഫീൻ അടങ്ങിയ പാനീയങ്ങൾ ഒഴിവാക്കാൻ ശ്രദ്ധിക്കണം. കിടക്കക്കരികിൽ എപ്പോഴും ഒരു കുപ്പി തണുത്ത വെള്ളം കരുതുന്നത് നല്ലതാണ്.

പകൽ ഉറക്കം ഒഴിവാക്കുക : രാത്രിയിൽ ഉറക്കം കുറവാണെന്ന് കരുതി പകൽ സമയത്ത് ഉറങ്ങുന്നത് ഒഴിവാക്കുക. ഇത് നിങ്ങളുടെ ഉറക്കത്തിന്റെ സ്വാഭാവികമായ ക്രമം തെറ്റിക്കും. രാത്രിയിൽ കൃത്യസമയത്ത് തന്നെ കിടക്കാൻ ശ്രമിക്കുന്നത് ശരീരം ഉറക്കത്തിന് തയ്യാറെടുക്കാൻ സഹായിക്കും.

കൂടാതെ, തണുപ്പിച്ച സോക്സുകൾ ധരിക്കുന്നതും ഫാനിന് മുന്നിൽ ഐസ് വെള്ളം നിറച്ച കുപ്പി വെക്കുന്നതും മുറിയിൽ തണുത്ത കാറ്റ് ലഭിക്കാൻ സഹായിക്കുന്ന ചില ലളിതമായ വിദ്യകളാണ്.