ഇത്തരം കിഴങ്ങുകളിൽ രാസവസ്തുക്കള്‍ കലര്‍ന്നിട്ടുണ്ട്.

അതുകൊണ്ടുതന്നെ ആരോഗ്യ പ്രശ്‌നങ്ങള്‍ക്കും ഇത് വഴിവെക്കും. വ്യാജ ഉരുളക്കിഴങ്ങുകളെ തിരിച്ചറിയാൻ ചില മാർ​ഗങ്ങൾ സഹായിക്കും. അവ ഏതൊക്കെയാണെന്ന് നോക്കാം.

യഥാര്‍ഥ ഉരുഴക്കിഴങ്ങിന് അകത്തും പുറത്തും ഒരേ നിറമായിരിക്കും. അതേസമയം വ്യാജ ഉരുളക്കിഴങ്ങാണെങ്കിൽ അവയ്ക്ക് അസ്വഭാവികമായ നിറമുണ്ടാകാം.

യഥാര്‍ഥ ഉരുളക്കിഴങ്ങുകൾക്ക് പ്രകൃതിദത്തമായ മണ്ണിന്റെ മണമുണ്ടാകും. എന്നാൽ രാസവസ്തുക്കള്‍ ചേര്‍ത്ത ഉരുളക്കിഴങ്ങിന് രൂക്ഷമായ കൃത്രിമ ഗന്ധമാകും ഉണ്ടാവുക. ദുര്‍ഗന്ധമോ അസാധാരണമാംവിധം രൂക്ഷഗന്ധമോ ശ്രദ്ധയിൽപ്പെട്ടാൽ അത്തരം ഉരുളക്കിഴങ്ങുകൾ ഉപയോഗിക്കരുത്.

ഉരുളക്കിഴങ്ങിന്റെ തൊലികളഞ്ഞും വ്യാജനെ കണ്ടെത്താം. ചെറുതായി പരുക്കനായ തൊലിയായിരിക്കും യഥാര്‍ഥ ഉരുളക്കിഴങ്ങിന് ഉണ്ടാവുക. മിനുസമാര്‍ന്നതും കട്ടിയുളളതുമായ തൊലിയായിരിക്കും പലപ്പോഴും വ്യാജ ഉരുളക്കിഴങ്ങിന്റേത്. ഇത് വളരെ എളുപ്പത്തില്‍ അടര്‍ന്ന് പോവുകയും ചെയ്യും.

കൈകൊണ്ടോ തുണികൊണ്ടോ ഉരുളക്കിഴങ്ങന്റെ ഉപരിതലം മൃദുവായി തടവണം. നിറം എളുപ്പത്തില്‍ മാറുകയാണെങ്കില്‍ അത് കൃത്രിമമായി നിറം നല്‍കിയതായിരിക്കും. യഥാര്‍ഥ ഉരുളക്കിഴങ്ങിന്റെ തൊലിയുടെ നിറം ഇത്തരത്തിൽ മാറില്ല.

ഒരു പാത്രത്തില്‍ വെള്ളമെടുത്ത് ഉരുളക്കിഴങ്ങ് അതിലേക്ക് ഇടുക.യഥാര്‍ഥ ഉരുളക്കിഴങ്ങ് വെള്ളത്തില്‍ മുങ്ങി പോകും. വ്യാജ ഉരുളക്കിഴങ്ങ് പലപ്പോഴും വെള്ളത്തില്‍ പൊങ്ങികിടക്കുന്നതായി കാണാം.