2025 ഡിസംബർ 31-ന് ശേഷം എംടിവി മ്യൂസിക്, എംടിവി 80സ്, എംടിവി 90സ്, ക്ലബ് എംടിവി, എംടിവി ലൈവ് എന്നീ ചാനലുകൾ സ്ഥിരം സംപ്രേഷണം അവസാനിപ്പിക്കും. പാരാമൗണ്ട് ഗ്ലോബൽ ആണ് ഈ നിർണ്ണായക തീരുമാനം അറിയിച്ചത്.

യൂട്യൂബ്, സ്പോട്ടിഫൈ, ടിക് ടോക് പോലുള്ള ഡിജിറ്റൽ പ്ലാറ്റ്‌ഫോമുകളിലേക്കുള്ള പ്രേക്ഷകരുടെ ഒഴുക്ക്, സാമ്പത്തികപരമായ കാരണങ്ങൾ എന്നിവയാണ് ഈ നടപടിക്ക് പിന്നിലെ പ്രധാന കാരണങ്ങളായി ചൂണ്ടിക്കാണിക്കപ്പെടുന്നത്.

ഈ മാറ്റത്തിലൂടെ, റെട്രോ സംഗീതത്തിൻ്റെയും തത്സമയ സംഗീത പരിപാടികളുടെയും ക്ലാസിക് മ്യൂസിക് വീഡിയോകളുടെയും പ്രധാന വിരുന്നൊരുക്കിയിരുന്ന ഈ ചാനലുകൾ ഓർമ്മയാകും.

എംടിവിയുടെ മുഖ്യ ചാനൽ, നിലവിൽ റിയാലിറ്റി ഷോകളിൽ കൂടുതൽ ശ്രദ്ധ കേന്ദ്രീകരിക്കുന്ന ഒന്നായി മാറിയിട്ടുണ്ട്, അത് തുടർന്നും പ്രവർത്തിക്കും.