ബിഎംജെ എവിഡൻസ് ബേസ്ഡ് മെഡിസിൻ എന്ന ജേർണലിലാണ് പുതിയ പഠനങ്ങൾ വന്നിരിക്കുന്നത്. പെയിൻ കില്ലറായി ഈ മരുന്ന് നിരന്തരം ഉപയോഗിക്കുന്നത് ഹൃദയസംബന്ധമായ അസുഖങ്ങൾക്ക് കാരണമായേക്കാമെന്നാണ് ഈ പഠനങ്ങൾ പറയുന്നത്.

19 ക്ലിനിക്കൽ ട്രയലുകൽ നടത്തിയാണ് പഠനം. 58 വയസ് പ്രായമുള്ള, രണ്ട് മുതൽ 16 ആഴ്ച വരെ ഈ മരുന്ന് സ്ഥിരമായി ഉപയോഗിച്ച, 6,506 പേരിലാണ് പഠനം നടന്നത്. മരുന്ന് ഗുരുതര പാർശ്വഫലങ്ങൾ ഉണ്ടാക്കുമെന്നാണ് കണ്ടെത്തിയത്. നെഞ്ചുവേദന, ഹൃദയസ്തംഭനം തുടങ്ങിയ ഗുരുതര പ്രത്യാഘാതങ്ങളാണ് ഇവ ഉണ്ടാക്കുക എന്നും ഓക്കാനം, തലകറക്കം, മലബന്ധം, മയക്കം എന്നിവയ്ക്കും കാരണമാകുമെന്നും പഠനങ്ങൾ പറയുന്നു.

ഈ പെയിൻ കില്ലർ ഇപ്പോഴും വ്യാപകമായി ഉപയോഗിക്കപ്പെടുന്നുണ്ട് എന്നാണ് റിപോർട്ടുകൾ. സെന്റർ ഫോർ ഡിസീസ് കണ്ട്രോൾ ആൻഡ് പ്രിവൻഷന്റെ കണക്കുകൾ പ്രകാരം യുഎസിലെ 51.6 മില്യൺ മുതിർന്ന പൗരന്മാരിൽ ഏകദേശം 17.1 മില്യൺ ആളുകൾ വേദനസംഹാരികൾ ഉപയോഗിക്കുന്നവരാണ്. ട്രമഡോൾ ആണ് ഇവരെല്ലാം വ്യാപകമായി ഉപയോഗിക്കപ്പെടുന്നത്.