അമേരിക്കൻ ജേണൽ ഓഫ് പബ്ലിക് ഹെൽത്തിൽ പ്രസിദ്ധീകരിച്ച പഠനങ്ങൾ പ്രകാരം, സിന്തറ്റിക്, ഫോം-ഫിറ്റിംഗ് തുണിത്തരങ്ങൾ ബാക്ടീരിയ വളരാൻ അനുയോജ്യമായ അന്തരീക്ഷം സൃഷ്ടിക്കുന്നു. പ്രത്യേകിച്ച് ഇ-കോലി പോലുള്ള ബാക്ടീരിയകൾ ഇവയിൽ ശക്തമായി വളരുന്നുവെന്ന് കണ്ടെത്തിയിട്ടുണ്ട്.

വായു സഞ്ചാരം തടസ്സപ്പെടുന്ന ഈ വസ്ത്രങ്ങൾ വിയർപ്പും ഈർപ്പവും പിടിച്ചുനിർത്തുകയും, മൂത്രനാളിയിൽ ബാക്ടീരിയകളുടെ പ്രവേശനത്തിന് വഴി ഒരുക്കുകയും ചെയ്യുന്നു. ഇതിന്റെ ഫലമായി മൂത്രനാളി അണുബാധ (UTI) ഉണ്ടാകാനുള്ള സാധ്യത വർധിക്കുന്നു. സിന്തറ്റിക് ഫൈബറുകളിൽ, പ്രത്യേകിച്ച് പോളിസ്റ്റർ അല്ലെങ്കിൽ സ്പാൻഡെക്സ്-ബ്ലെൻഡ് ജീൻസ് ധരിക്കുന്നവർക്ക് ഈ അപകടസാധ്യത കൂടുതലാണെന്ന് ഡോക്ടർമാർ സൂചിപ്പിക്കുന്നു.

സ്ത്രീകൾക്ക് ഈ അപകടം കൂടുതൽ സാധ്യതയുള്ളതാണ്, പ്രത്യേകിച്ച് ആർത്തവവിരാമ സമയത്ത് ഹോർമോൺ മാറ്റങ്ങൾ മൂത്രനാളിയുടെ പ്രതിരോധശേഷി കുറയ്ക്കുന്നു. അതിനാൽ, വായു സഞ്ചാരം അനുവദിക്കുന്ന കോട്ടൺ അടിവസ്ത്രങ്ങൾ ധരിക്കുകയും, അടിവസ്ത്രവും വസ്ത്രവും അധിക നേരം ചൂടോ ഈർപ്പമോ പിടിച്ചിരിക്കാതെ ശ്രദ്ധിക്കേണ്ടതു ആണെന്നും നിർദേശിക്കുന്നു.

ഫാഷൻ ആരോഗ്യത്തിന് ഹാനികരമാകരുത്. സ്റ്റൈലിഷ് ആയി കാണപ്പെടുന്ന ഇറുകിയ ജീൻസുകൾക്ക് UTI-ക്കായി അനുകൂലമായ അന്തരീക്ഷം ഉണ്ടാക്കാം. വായു സഞ്ചാരം അനുവദിക്കുന്ന, അയഞ്ഞ ഫിറ്റുള്ള വസ്ത്രങ്ങൾ തിരഞ്ഞെടുക്കുന്നതു, വ്യക്തിശുചിത്വം പാലിക്കുന്നതും മൂത്രനാളി ആരോഗ്യ സംരക്ഷണത്തിനും, ഫാഷനും ഒരുമിച്ചുമുണ്ടാകാൻ സഹായിക്കുന്നുവെന്ന് ഡോക്ടർമാർ പറയുന്നു.