ഏറ്റവും പ്രധാന പ്രശ്‌നങ്ങൾ ശ്വസന സംബന്ധമായവയാണ്. എസിയില്‍ നീണ്ട സമയത്തേക്ക് ഇരിക്കുന്നത് മൂക്കിലെ ഭാഗങ്ങൾ വരണ്ടാക്കുകയും കഫം കുറയുകയും ചെയ്യും. ഇത് തുടർച്ചയായ ചുമ, ജലദോഷം പോലുള്ള പ്രശ്‌നങ്ങൾക്ക് കാരണമാകാം. കൂടാതെ, വരണ്ട വായു മൂലം ചുണ്ടുകൾക്കും കണ്ണുകൾക്കും വരണ്ടുപോകുന്ന പ്രശ്‌നങ്ങൾ ഉണ്ടാവും.

നിര്‍ജലീകരണവും മറ്റൊരു പ്രധാന പ്രശ്‌നമാണ്. എസിയിലെ തണുത്ത വായുവിലൂടെ ശരീരം ഈര്‍പ്പം എളുപ്പത്തിൽ നഷ്ടപ്പെടുന്നു. ചിലർക്കു തണുത്ത അന്തരീക്ഷത്തിൽ വെള്ളം കുടിക്കാൻ താൽപര്യമില്ലാതാകുന്നതിനാൽ, ഇത് കൂടുതല്‍ ദ്രുതമായ നിര്‍ജലീകരണത്തിന് കാരണമായി മാറും. പെട്ടന്നുള്ള താപനില വ്യത്യാസങ്ങളും വരണ്ട വായുവും തലവേദനക്കും ടെന്‍ഷനും പ്രേരിപ്പിക്കും.

ദീര്‍ഘനേരം എസിയില്‍ ഇരിക്കുന്നത് മെറ്റബോളിസം മന്ദഗതിയിലാക്കുകയും അലസതക്കും ക്ഷീണത്തിനും ഇടയാക്കുന്നു. എസി ഫില്‍റ്ററുകളില്‍ പൊടി, പൂപ്പല്‍ തുടങ്ങിയവ ഉണ്ടായാല്‍ അലര്‍ജിയും ഉണ്ടാകാം.

ചര്‍മ്മത്തിന്റെ സ്വാഭാവിക ഈര്‍പ്പം നിലനിർത്തുന്നതും വളരെ പ്രധാനമാണ്. നീളന്‍ കൈയുള്ള വസ്ത്രങ്ങൾ, വീതിയേറിയ തൊപ്പി എന്നിവ ധരിക്കുക, എസിയില്‍ നേരിട്ട് കാറ്റ് തൊടാതിരിക്കുക തുടങ്ങിയവ ചർമ്മത്തിലെ ജലാംശം നിലനിർത്തുന്നതിന് സഹായകരമാണ്. അതിനാൽ, എസിയില്‍ സ്ഥിരമായി ഇരിക്കുന്നവർ ഈ ആരോഗ്യ കാര്യങ്ങളെക്കുറിച്ച് അറിഞ്ഞു സൂക്ഷിക്കുക അത്യാവശ്യമാണ്.