ദന്തചികിത്സയിൽ വിപ്ലവം തീർത്ത ഈ നേട്ടത്തിലൂടെ വലിയ മാറ്റമാണ് വരാൻ പോകുന്നത്. യഥാർഥ പല്ലുകളുടേതിന് സമാനമായ ലക്ഷണങ്ങളുള്ള ഈ പല്ലുകൾ താടിയെല്ലുമായി സംയോജിപ്പിക്കാനാകും.

ദന്തചികിത്സയുടെ കാര്യത്തിൽ വിപ്ലവകരമായ നേട്ടമായാണ് ഈ കണ്ടെത്തൽ വിലയിരുത്തുന്നത്. ദന്തചികിത്സയിൽ ഏറ്റവും പ്രധാനമായ ഇംപ്ലാന്റുകൾക്കും ഫില്ലിം​ഗുകൾക്കും പകരം ഈ പല്ലുകൾ ഉപയോ​ഗിക്കാനാകുമെന്ന പ്രതീക്ഷയിലാണ് ശാസ്ത്രലോകം.

സ്വന്തം പല്ലുകൾ നഷ്ടപ്പെട്ടാൽ അവ പുനരുജ്ജീവിപ്പിക്കാനുള്ള കഴിവ് മനുഷ്യനില്ല. എന്നാൽ, രോ​ഗിയുടെ സ്വന്തം കോശങ്ങളിൽ നിന്ന് നിർമിച്ചെടുക്കുന്ന ഇത്തരം പല്ലുകൾ സ്വാഭാവിക പല്ലുകൾ പോലെ മികച്ചതാകുമെന്നാണ് ​ഗവേഷകർ പറയുന്നത്.

ലണ്ടനിലെ കിംഗ്സ് കോളേജിലെ ഗവേഷകരാണ് ഈ നേട്ടത്തിന് പിന്നിൽ. ഈ സംവിധാനം നിലവിൽവരുന്നതോടെ കൃത്രിമമായ ഫില്ലിംഗുകളോ ഡെന്റൽ ഇംപ്ലാന്റുകളോ ഒരുപക്ഷേ ചരിത്രമായേക്കാം.

ദന്തചികിത്സയിൽ വിപ്ലവം സൃഷ്ടിക്കാൻ ഈ കണ്ടെത്തലിൽ സാധിക്കുമെന്ന് കിംഗ്സ് കോളേജിലെ റീജനറേറ്റീവ് ഡെന്റിസ്ട്രി ഡയറക്ടർ ഡോ. അന ആഞ്ചലോവ പറഞ്ഞു. ലണ്ടനിലെ ഇംപീരിയൽ കോളേജുമായി സഹകരിച്ചായിരുന്നു ​ഗവേഷണം. പല്ലുകളെ ചികിത്സിക്കുന്നതിനുള്ള ഏറ്റവും നല്ല മാർ​ഗമല്ല ഫില്ലിം​ഗുകൾ. കാലക്രമേണ, അവ പല്ലിന്റെ ഘടനയെ ദുർബലപ്പെടുത്തുമെന്നും അവർ കൂട്ടിച്ചേർത്തു.