പൊതുജന താല്പര്യമുള്ള ഒരു വ്യക്തി ഈ തുക നൽകാൻ സന്നദ്ധത പ്രകടിപ്പിച്ച് തന്നെ ഫോണിൽ ബന്ധപ്പെട്ടതായും, പയ്യന്നൂരിലെ ഡ്രൈവർക്ക് തുക നേരിട്ട് കൈമാറുമെന്നും മന്ത്രി വ്യക്തമാക്കി.

ഡ്രൈവറുടെ നടപടി മാതൃകാപരമാണെന്നും അദ്ദേഹത്തെ പ്രത്യേകം അഭിനന്ദിക്കുന്നതായും മന്ത്രി കൂട്ടിച്ചേർത്തു.

ഒളിവിൽ കഴിഞ്ഞിരുന്ന അർജുൻ ആയങ്കി അഭിഭാഷകയെ കാണാൻ എത്തിയത് പയ്യന്നൂർ സ്വദേശിയുടെ ഓട്ടോറിക്ഷയിലായിരുന്നു. യാത്രക്കാരനിൽ സംശയം തോന്നിയ ഡ്രൈവർ ഉടൻ തന്നെ വിവരം പൊലീസിനെ അറിയിക്കുകയായിരുന്നു.

തുടർന്ന് പൊലീസ് നടത്തിയ ഊർജ്ജിതമായ തിരച്ചിലിനൊടുവിലാണ് അർജുൻ പിടിയിലായത്. അർജുൻ ആയങ്കിയെ പിടികൂടുന്നത് സംബന്ധിച്ച് പൊലീസിന് നിരവധി വിവരങ്ങൾ ലഭിച്ചിരുന്നെങ്കിലും ഓട്ടോ ഡ്രൈവർ നൽകിയ വിവരമാണ് ഏറ്റവും ഫലപ്രദമായതെന്ന് മന്ത്രി ചൂണ്ടിക്കാട്ടി.