എ.സി കോച്ചുകളിൽ യാത്ര ചെയ്യുന്ന ആർ.എ.സി യാത്രക്കാർക്ക് ലിനനും പുതപ്പും ലഭിക്കുന്നില്ലെന്ന പരാതികൾ രാജ്യവ്യാപകമായി ആവർത്തിച്ചുയർന്ന സാഹചര്യത്തിലാണ് ഈ അടിയന്തര ഇടപെടൽ.

ഓഗസ്റ്റ് 4-ന് പുറത്തിറക്കിയ ഔദ്യോഗിക കത്തിലാണ്, രാജ്യത്തെ ഭൂരിഭാഗം റെയിൽവേ സോണുകളിൽ നിന്നും യാത്രക്കാർക്ക് ബെഡ്‌റോൾ കിറ്റുകൾ കൃത്യമായി ലഭിക്കുന്നില്ലെന്ന പരാതികൾ മന്ത്രാലയത്തിന് തുടർച്ചയായി ലഭിച്ചുകൊണ്ടിരിക്കുകയാണെന്ന് വ്യക്തമാക്കിയത്.

കൺഫേംഡ് യാത്രക്കാർക്കുള്ള അതേ ആനുകൂല്യം ആർ.എ.സിക്കാർക്കും
നിലവിലെ ആർ.എ.സി സംവിധാനമനുസരിച്ച്, ഒരു കൺഫേംഡ് ബർത്ത് ലഭ്യമാകുന്നത് വരെ രണ്ട് യാത്രക്കാരാണ് ഒരു സിംഗിൾ ബർത്ത് പരസ്പരം പങ്കിടുന്നത്. ഈ സാഹചര്യത്തിലും, എ.സി ചെയർ കാർ ഒഴികെയുള്ള മറ്റെല്ലാ എയർ കണ്ടീഷൻഡ് കോച്ചുകളിലും യാത്ര ചെയ്യുന്ന ഓരോ ആർ.എ.സി യാത്രക്കാരനും, അതേ കോച്ചിലെ മറ്റ് കൺഫേംഡ് യാത്രക്കാരെപ്പോലെ തന്നെ മുഴുവൻ ബെഡ്‌റോൾ കിറ്റും ലഭിക്കാൻ അർഹതയുണ്ടെന്ന് റെയിൽവേ മന്ത്രാലയം ഓർമ്മിപ്പിച്ചു.