പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, കണ്ണൂര്, കാസര്കോട് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യത. ശക്തമായ കാറ്റിനും സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. പതിനഞ്ചാം തിയതി വരെ വലിയ ശക്തമായ മഴയ്ക്ക് സാധ്യതയില്ല.
കേരള-ലക്ഷദ്വീപ് തീരങ്ങളില് മത്സ്യബന്ധനം നടത്തുന്നവര്ക്ക് ജാഗ്രതാ നിര്ദേശവും ഉണ്ട്. മധ്യ പടിഞ്ഞാറന് അറബിക്കടല്, അതിനോട് ചേര്ന്ന മധ്യ കിഴക്കന് അറബിക്കടല്, വടക്കന് അറബിക്കടല്, തെക്കു പടിഞ്ഞാറന് അറബിക്കടല്, സോമാലിയ, ഒമാന് തീരങ്ങള്, മധ്യ പടിഞ്ഞാറന് ബംഗാള് ഉള്ക്കടല്, തെക്കന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെ വേഗതയിലും ശക്തമായ കാറ്റിന് സാധ്യത.
മധ്യ കിഴക്കന് ബംഗാള് ഉള്ക്കടല്, അതിനോട് ചേര്ന്ന മധ്യ പടിഞ്ഞാറന് ബംഗാള് ഉള്ക്കടല്, വടക്കന് ബംഗാള് ഉള്ക്കടല്, ആന്ഡമാന് കടല് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. ഈ മേഖലകളില് മത്സ്യബന്ധനത്തിന് പോകുന്നവര് ജാഗ്രത പാലിക്കണമെന്നാണ് മുന്നറിയിപ്പ്.
സംസ്ഥാനത്ത് ചില ജില്ലകളില് ഒറ്റപ്പെട്ട മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്
Advertisement
Advertisement
Advertisement
