മംഗലാപുരം - ചെന്നൈ എഗ്മൂര്‍, ചെന്നൈ സെന്‍ട്രല്‍ - കൊല്ലം, തിരുവനന്തപുരം സെന്‍ട്രല്‍ - താംബരം എന്നീ റൂട്ടുകളിലാണ് പ്രത്യേക ട്രെയിനുകള്‍ അനുവദിക്കുന്നത്. ഈ ട്രെയിനുകളിലേക്കുള്ള അഡ്വാന്‍സ് റിസര്‍വേഷന്‍ ഇന്ന് മുതല്‍ ആരംഭിക്കും. വ്യാഴാഴ്ച രാവിലെ എട്ട് മണി മുതലാണ് റിസര്‍വേഷന്‍ ആരംഭിക്കുക. ആകെ 32 ട്രെയിന്‍ സര്‍വീസുകളാണുണ്ടായിരിക്കുക.

* 06126 മംഗളൂരു-ചെന്നൈ എഗ്മോര്‍: ജൂലൈ 13 മുതല്‍ ആഗസ്റ്റ് 31 വരെയുള്ള തിങ്കളാഴ്ചകളില്‍ വൈകീട്ട് നാലിന് മംഗളൂരുവില്‍നിന്ന് പുറപ്പെട്ട് പിറ്റേന്ന് രാവിലെ 10.55ന് ചെന്നൈയിലെത്തും.

* 06125 ചെന്നൈ എഗ്മോര്‍-മംഗളൂരു: ജൂലൈ 14 മുതല്‍ സെപ്റ്റംബര്‍ ഒന്ന് വരെയുള്ള ചൊവ്വാഴ്ചകളില്‍ ഉച്ച രണ്ടിന് പുറപ്പെട്ട് പിറ്റേന്ന് രാവിലെ 8.40ന് മംഗളൂരുവിലെത്തും. കാസര്‍കോട്, കാഞ്ഞങ്ങാട്, പയ്യന്നൂര്‍, കണ്ണൂര്‍, തലശ്ശേരി, വടകര, കോഴിക്കോട്, തിരൂര്‍, ഷൊര്‍ണൂര്‍, പാലക്കാട് എന്നിവിടങ്ങളിലാണ് കേരളത്തിലെ സ്‌റ്റോപ്പുകള്‍.

* 06119 ചെന്നൈ സെന്‍ട്രല്‍-കൊല്ലം: ആഗസ്റ്റ് 12 മുതല്‍ സെപ്റ്റംബര്‍ രണ്ടുവരെയുള്ള ബുധനാഴ്ചകളില്‍ ഉച്ചതിരിഞ്ഞ് 3.10ന് പുറപ്പെട്ട് പിറ്റേന്ന് രാവിലെ 7.20ന് കൊല്ലത്തെത്തും.

* 06120 കൊല്ലം-ചെന്നൈ സെന്‍ട്രല്‍: ആഗസ്റ്റ് 13 മുതല്‍ സെപ്റ്റംബര്‍ മൂന്ന് വരെയുള്ള വ്യാഴാഴ്ചകളില്‍ രാവിലെ 10.40ന് പുറപ്പെട്ട് പിറ്റേന്ന് പുലര്‍ച്ചെ 3.30ന് ചെന്നൈയിലെത്തും. തൃശൂര്‍, ആലുവ, എറണാകുളം ടൗണ്‍, കോട്ടയം, ചങ്ങനാശേരി, തിരുവല്ല, ചെങ്ങന്നൂര്‍, മാവേലിക്കര, കായംകുളം എന്നിങ്ങനെയാണ് സ്‌റ്റോപ്പുകള്‍.

* 06110 തിരുവനന്തപുരം-താംബരം: ആഗസ്റ്റ് 12 മുതല്‍ സെപ്റ്റംബര്‍ രണ്ടുവരെയുള്ള ബുധനാഴ്ചകളില്‍ വൈകുന്നേരം 3.45ന് പുറപ്പെട്ട് പിറ്റേന്ന് രാവിലെ 10ന് താംബരത്തെത്തും.

* 06109 താംബരം-തിരുവനന്തപുരം: ആഗസ്റ്റ് 13നും സെപ്റ്റംബര്‍ മൂന്നിനും മധ്യേയുള്ള വ്യാഴാഴ്ചകളില്‍ ഉച്ച രണ്ടിന് പുറപ്പെട്ട് പിറ്റേന്ന് രാവിലെ 7.15ന് തിരുവനന്തപുരത്തെത്തും. വര്‍ക്കല, കൊല്ലം, കൊട്ടാരക്കര, പുനലൂര്‍, എന്നിങ്ങനെയാണ് കേരളത്തിലെ സ്‌റ്റോപ്പുകള്‍.