ഭക്ഷണ സമയത്ത് സ്ക്രീനിൽ നിന്ന് വരുന്ന ബ്ലൂ ലൈറ്റ് നിങ്ങളുടെ മെറ്റബോളിസത്തെയും ദഹനത്തെയും ബാധിക്കുമെന്നാണ് പഠനങ്ങൾ വ്യക്തമാക്കുന്നത്.

ശരീരത്തിന് വിശ്രമം ലഭിക്കേണ്ടുന്ന സമയമായാണ് രാത്രിയെ
പരി​ഗണിക്കുന്നത്. അതുകൊണ്ട് തന്നെ ശരീരം ആ സമയത്ത് വിശ്രമാവസ്ഥയിൽ ആയിരിക്കും. ഈ സമയത്ത് ശരീരത്തിലെ പ്രവർത്തനവും മന്ദ​​ഗതിയിലായിരിക്കും. എന്നാൽ ഭക്ഷണസമയത്ത് സ്ക്രീനുകളിൽ നോക്കുമ്പോൾ, അതിൽ നിന്നുള്ള ബ്ലൂ ലൈറ്റ് തലച്ചോറിനെ ആശയക്കുഴപ്പത്തിലാക്കുന്നു. രാത്രിയാണോ പകലാണോ എന്ന് തിരിച്ചറിയാൻ കഴിയാതെ വരുന്നത് വഴി ദഹനപ്രക്രിയയുടെ സ്വാഭാവിക താളം തെറ്റുന്നു.

നാം കഴിക്കുന്ന ഭക്ഷണം ഊർജ്ജമായി മാറുന്ന പ്രക്രിയയെയാണ് മെറ്റബോളിസം എന്ന് പറയുന്നത്. ബ്ലൂ ലൈറ്റിന്റെ അമിത സാന്നിധ്യം ഈ പ്രക്രിയയെ മന്ദഗതിയിലാക്കുന്നു. ഇത് ശരീരത്തിൽ കൊഴുപ്പ് അടിഞ്ഞുകൂടുന്നതിനും മറ്റ് ആരോഗ്യപ്രശ്നങ്ങൾക്കും കാരണമായേക്കാം. ഭക്ഷണസമയത്തും ഉറങ്ങുന്നതിന് തൊട്ടുമുമ്പും ബ്ലൂ ലൈറ്റ് ഏൽക്കുന്നത് ഉറക്കത്തെ ദോഷകരമായി ബാധിക്കുമെന്നാണ്. ശരിയായ ഉറക്കം ലഭിക്കാത്തത് കുടലിന്റെ ആരോഗ്യത്തെയും ദഹനവ്യവസ്ഥയുടെ സുഗമമായ പ്രവർത്തനത്തെയും നേരിട്ട് ബാധിക്കുന്നു.

സ്ക്രീനുകളിലേക്ക് നോക്കി ഭക്ഷണം കഴിക്കുമ്പോൾ നാം എത്രത്തോളം കഴിക്കുന്നു എന്നതിനെക്കുറിച്ച് ബോധവാന്മാരാകാറില്ല. ഇത് ദഹനക്കേടിനും അമിതവണ്ണത്തിനും കാരണമാകുന്നു. ഭക്ഷണം കഴിക്കുന്ന സമയം പൂർണ്ണമായും. കൈയിലെ ചെറിയ സ്ക്രീനിലേക്ക് നോക്കുന്നതിന് പകരം, കഴിക്കുന്ന ഭക്ഷണത്തിൽ ശ്രദ്ധ കേന്ദ്രീകരിക്കുകയും അത് ആസ്വദിച്ച് കഴിക്കുകയും ചെയ്യുക. ഇത് ശരീരത്തിന് ആവശ്യമായ ഊർജ്ജം ശരിയായ രീതിയിൽ ഉത്പാദിപ്പിക്കാൻ ദഹനവ്യവസ്ഥയെ സഹായിക്കും.