പെരുമ്പാവൂർ സ്വദേശിയായ ആര്യ (18) യെയാണ് ഭർതൃവീട്ടിലെ കിടപ്പുമുറിയിൽ തൂങ്ങിമരിച്ച നിലയിൽ കണ്ടെത്തിയത്.

സ്ത്രീധനത്തിന്റെ പേരിൽ ഭർതൃമാതാവും അവരുടെ അമ്മയും ആര്യയെ നിരന്തരം മാനസികമായും ശാരീരികമായും പീഡിപ്പിച്ചിരുന്നതായി കുടുംബം ആരോപിക്കുന്നു. മരിച്ച ആര്യയുടെ മുഖത്ത് മർദ്ദനമേറ്റതിന്റെ പാടുകളുണ്ടായിരുന്നതായും ബന്ധുക്കൾ വെളിപ്പെടുത്തി. കൂടാതെ, യുവതിയുടെ സംസ്കാര ചടങ്ങുകളിൽ ഭർതൃമാതാവും അമ്മയും പങ്കെടുക്കാതിരുന്നതും സംശയം വർധിപ്പിക്കുന്നു.

അതേസമയം, സംഭവത്തിൽ കോട്ടയം ഈസ്റ്റ് പോലീസ് കേസെടുത്ത് എഫ്.ഐ.ആർ രജിസ്റ്റർ ചെയ്തിട്ടുണ്ട്. എന്നാൽ, ഭർത്താവ് ദീപക് ബാബുവിന്റെ അമിത മദ്യപാനമാണ് യുവതിയുടെ മരണത്തിലേക്ക് നയിച്ചതെന്നാണ് പോലീസിന്റെ പ്രാഥമിക എഫ്.ഐ.ആറിൽ രേഖപ്പെടുത്തിയിരിക്കുന്നത്. കുടുംബത്തിന്റെ ആരോപണങ്ങളുടെ പശ്ചാത്തലത്തിൽ പോലീസിന്റെ തുടർ അന്വേഷണം നടന്നു വരികയാണ്.