തിരുവല്ല : ഇന്ത്യൻ നാവികസേനയുടെ അഭിമാനമായ യുദ്ധക്കപ്പൽ INS നിപുൺ (A17) കമ്മീഷനിംഗ് ചടങ്ങിൽ Oxycure നേ പ്രതിനിധീകരിച്ച് പങ്കെടുത്ത പ്രമോദ് ഫിലിപ്പിനെ JCI തിരുവല്ല ആദരിച്ചു. “Proud Moment of Service, Contribution & Partnership” എന്ന പേരിലാണ് ആദരം നൽകിയത്.

2026 ഓഗസ്റ്റ് 31ന് മുംബൈ നേവൽ ഡോക്ക്‌യാർഡിൽ നടന്ന പ്രൗഢഗംഭീരമായ കമ്മീഷനിംഗ് ചടങ്ങിൽ പ്രമോദ് ഫിലിപ്പ്, ലെഫ്റ്റനന്റ് കേണൽ (റിട്ട.) ഡോ. ജയദേവൻ ഗണപതി എന്നിവരോടൊപ്പം Oxycure-നെ പ്രതിനിധീകരിച്ച് പങ്കെടുത്തു.

ഇന്ത്യൻ നാവികസേനാ മേധാവി അഡ്മിറൽ കൃഷ്ണ സ്വാമിനാഥൻ, PVSM, AVSM, VSM ആയിരുന്നു ചടങ്ങിലെ മുഖ്യാതിഥി. മുതിർന്ന നാവിക ഉദ്യോഗസ്ഥരും വിശിഷ്ട വ്യക്തികളും ചടങ്ങിൽ സന്നിഹിതരായിരുന്നു. അവരുടെ സാന്നിധ്യം ചടങ്ങിന് കൂടുതൽ പ്രാധാന്യവും ഗാംഭീര്യവും നൽകി.

ഇന്ത്യൻ നാവികസേനയ്ക്കായി നടപ്പാക്കിയ INS നിസ്താർ (A16), INS നിപുൺ (A17) എന്നിവയുടെ ട്രയൽ പ്രവർത്തനങ്ങളിൽ Oxycure ടീമിനൊപ്പം പ്രമോദ് ഫിലിപ്പും സജീവമായി ബന്ധപ്പെട്ടിരുന്നു. സാങ്കേതികമായി ഏറെ വെല്ലുവിളി നിറഞ്ഞ ഈ ദൗത്യത്തിന്റെ ഭാഗമാകാനും കപ്പലുകളുടെ പ്രവർത്തനക്ഷമത ഉറപ്പാക്കുന്നതിനായുള്ള നിർണായക പരീക്ഷണങ്ങളിൽ പങ്കാളിയാകാനും അദ്ദേഹത്തിന് സാധിച്ചു.

ഇന്ത്യൻ നാവികസേനയുടെ അത്യന്തം പ്രാധാന്യമുള്ള ഈ പദ്ധതിയിൽ Oxycure ടീമിന്റെ ഭാഗമായുള്ള സേവനവും സാങ്കേതിക സഹകരണവും പ്രമോദ് ഫിലിപ്പിന്റെ പ്രവർത്തനജീവിതത്തിലെ ശ്രദ്ധേയമായ നേട്ടമായി വിലയിരുത്തപ്പെടുന്നു.

രാജ്യത്തിന്റെ പ്രതിരോധ മേഖലയുമായി ബന്ധപ്പെട്ട നിർണായക ദൗത്യത്തിൽ പങ്കാളിയാകാൻ കഴിഞ്ഞതിലുള്ള അഭിമാനവും സന്തോഷവും പങ്കുവെച്ച പ്രമോദ് ഫിലിപ്പ്, ഈ അംഗീകാരം Oxycure ടീമിനും സഹപ്രവർത്തകർക്കും സമർപ്പിക്കുന്നതായി അറിയിച്ചു.