പത്തനംതിട്ട : കോന്നി ജംഗ്ഷൻ മുതൽ ആറാട്ടുപുഴ വരെയുള്ള സ്ഥലങ്ങളിൽ വിവിധ തലങ്ങളിലായുള്ള ഗതാഗത നിയന്ത്രണങ്ങൾ ആണ് ഏർപ്പെടുത്തുന്നത്.

കോന്നി ജംഗ്ഷൻ :
ഉപരാഷ്ട്രപതി എത്തുന്നതിന് 30 മിനിറ്റ് മുമ്പ് മുതൽ, കോന്നി ജംഗ്ഷനിൽ നിന്ന് തെങ്ങുംകാവ് - പൂങ്കാവ് ഭാഗത്തേക്ക് വാഹനങ്ങളെ കടത്തിവിടില്ല. ഡ്യൂട്ടിയിലുള്ള പോലീസ് ഉദ്യോഗസ്ഥരുടെ നിർദേശപ്രകാരം വാഹനങ്ങൾ വഴിതിരിച്ചുവിടും.

തെങ്ങുംകാവ് ജംഗ്ഷൻ :
VVIP എത്തുന്നതിന് 30 മിനിറ്റ് മുമ്പ് മുതൽ, പൂങ്കാവ് ഭാഗത്തേക്ക് പോകുന്ന എല്ലാ വാഹനങ്ങളെയും കോന്നി-മലയോര ഹൈവേ വഴി തിരിച്ചുവിടും.

തോന്ന്യാമലയിലേക്കുള്ള റോഡ് :
ഇതേ സമയം തന്നെ ( VVIP എത്തുന്നതിന് 30 മിനിറ്റ് മുമ്പ് മുതൽ), തോന്ന്യാമല ഭാഗത്ത് നിന്ന് വരുന്ന വാഹനങ്ങളെ സെന്റ് പീറ്റേഴ്സ് ജംഗ്ഷനിലേക്ക് പോകാൻ അനുവദിക്കില്ല. ഈ വാഹനങ്ങളെ DPO ജംഗ്ഷനിലേക്ക് തിരിച്ചുവിടും.

ജില്ലാ പോലീസ് മേധാവിയുടെ ക്യാമ്പ് ഓഫീസ് ജംഗ്ഷൻ :

രാവിലെ 9.00 മുതൽ, കടമ്മനിട്ട ഭാഗത്ത് നിന്ന് വരുന്ന വാഹനങ്ങളെ സെന്റ് പീറ്റേഴ്സ് ജംഗ്ഷനിലേക്ക് കടത്തിവിടാതെ DPO ജംഗ്ഷനിലേക്ക് തിരിച്ചുവിടും. പത്തനംതിട്ടയിൽ നിന്ന് കോഴഞ്ചേരിയിലേക്ക് പോകുന്ന വാഹനങ്ങളെ കടമ്മനിട്ട വഴി തിരിച്ചുവിടും

DPO ജംഗ്ഷൻ :
VVIP എത്തുന്നതിന് 30 മിനിറ്റ് മുമ്പ് മുതൽ, സെന്റ് പീറ്റേഴ്സ് ജംഗ്ഷനിലേക്ക് DPO ജംഗ്ഷനിൽ നിന്നും വാഹനങ്ങളൊന്നും കടത്തിവിടില്ല. അത്തരം വാഹനങ്ങളെല്ലാം നിർദ്ദേശിച്ചിട്ടുള്ള മറ്റ് പാതകളിലൂടെ തിരിച്ചുവിടും.

മൈലപ്ര ജംഗ്ഷൻ:
VVIP എത്തുന്നതിന് 30 മിനിറ്റ് മുമ്പ് മുതൽ, പത്തനംതിട്ട ടൗണിലേക്ക് പ്രവേശിക്കുന്നത് തടയുന്ന രീതിയിൽ വാഹനങ്ങളെ വഴി തിരിച്ചുവിടും

കുമ്പഴ ജംഗ്ഷൻ:
VVIP എത്തുന്നതിന് 30 മിനിറ്റ് മുമ്പ് മുതൽ, പത്തനംതിട്ട ടൗണിലേക്കുള്ള പ്രവേശനം ഒഴിവാക്കാൻ വാഹനങ്ങളെ മലയോര ഹൈവേ വഴി തിരിച്ചുവിടും.

അബാൻ ജംഗ്ഷൻ :
VVIP എത്തുന്നതിന് 30 മിനിറ്റ് മുമ്പ് മുതൽ, അഴൂർ, മിനി സിവിൽ സ്റ്റേഷൻ ഭാഗങ്ങളിലേക്കുള്ള ഗതാഗതം തടയുന്നതിനായി വാഹനങ്ങളെ വഴി തിരിച്ചുവിടും.

സെൻട്രൽ ജംഗ്ഷൻ :
VVIP എത്തുന്നതിന് 30 മിനിറ്റ് മുമ്പ് മുതൽ, അഴൂർ ജംഗ്ഷനിലേക്കും സ്റ്റേഡിയം ജംഗ്ഷനിലേക്കും വാഹനങ്ങൾ പ്രവേശിക്കാതെ വഴി തിരിച്ചുവിടും.

മിനി സിവിൽ സ്റ്റേഷൻ ജംഗ്ഷൻ :
VVIPഎത്തുന്നതിന് 30 മിനിറ്റ് മുമ്പ് മുതൽ, വാഹനങ്ങളെ അവയുടെ യാത്രാദിശയ്ക്കനുസരിച്ച് DPO ജംഗ്ഷനിലേക്കോ അബാൻ ജംഗ്ഷനിലേക്കോ വഴി തിരിച്ചുവിടും.

ശബരി ബാലാശ്രമത്തിലേക്കുള്ള റോഡ് :
രാവിലെ 9.00 മുതൽ ശബരി ബാലാശ്രമത്തിലേക്കുള്ള റോഡിലൂടെയുള്ള വാഹനങ്ങളുടെ ഗതാഗതം നിയന്ത്രിക്കും. ഡ്യൂട്ടിയിലുള്ള പോലീസ് ഉദ്യോഗസ്ഥരുടെ നിർദ്ദേശപ്രകാരം മാത്രമേ വാഹനങ്ങൾ അനുവദിക്കൂ.

MTLPS നാൽക്കാലിക്കലിന് സമീപം കോഴിപ്പാലത്തേക്കുള്ള ചെറിയ റോഡ് :
രാവിലെ 9.00 മുതൽ, കിടങ്ങന്നൂരിൽ നിന്ന് ഐക്കര ജംഗ്ഷനിലേക്ക് വരുന്ന വാഹനങ്ങളെ കോഴിപ്പാലം ഭാഗത്തേക്ക് തിരിച്ചുവിടും കോഴിപ്പാലത്ത് നിന്ന് വരുന്ന വാഹനങ്ങളെ കിടങ്ങന്നൂർ ഭാഗത്തേക്കും തിരിച്ചുവിടും.

നാൽക്കാലിക്കൽ സ്കൂൾ ജംഗ്ഷൻ :
രാവിലെ 9 മണി മുതൽ, കിടങ്ങന്നൂരിൽ നിന്ന് ഐക്കര ജംഗ്ഷനിലേക്ക് പോകുന്ന വാഹനങ്ങളെ കോഴിപ്പാലം ഭാഗത്തേക്ക് തിരിച്ചുവിടും. അതുപോലെ കോഴിപ്പാലത്ത് നിന്ന് വരുന്ന വാഹനങ്ങളെ കിടങ്ങന്നൂർ ഭാഗത്തേക്കും തിരിച്ചുവിടും.

വാഴെപ്പടി ജംഗ്ഷൻ :
രാവിലെ 9 മണി മുതൽ, കിടങ്ങന്നൂരിൽ നിന്ന് ഐക്കര ജംഗ്ഷനിലേക്ക് പോകുന്ന വാഹനങ്ങളെ കോഴിപ്പാലം ഭാഗത്തേക്ക് തിരിച്ചുവിടും; അതുപോലെ കോഴിപ്പാലത്ത് നിന്ന് വരുന്ന വാഹനങ്ങളെ കിടങ്ങന്നൂർ ഭാഗത്തേക്ക് തിരിച്ചുവിടും.

കിടങ്ങന്നൂർ ജംഗ്ഷൻ :
രാവിലെ 9 മണി മുതൽ, വള്ളംകളി കാണാൻ ആറന്മുളയിലേക്ക് പോകുന്ന വാഹനങ്ങളെ ട്രാഫിക് പ്ലാൻ പ്രകാരം ചെങ്ങന്നൂർ, കോഴിപ്പാലം തുടങ്ങിയ അനുയോജ്യമായ മറ്റ് റോഡുകളിലേക്ക് തിരിച്ചുവിടും.

കോഴിപ്പാലം ജംഗ്ഷൻ :
രാവിലെ 9 മണി മുതൽ, ആറന്മുള സത്രംകടവ് പ്രദേശത്തേക്ക് വാഹനങ്ങൾ പ്രവേശിക്കുന്നത് തടയുന്നതിനായി അവയെ വഴിതിരിച്ചുവിടും.

കോഴിപ്പാലം പാലം / ആഞ്ഞിലിമൂട് പാലം :
രാവിലെ 9 മണി മുതൽ, ചെങ്ങന്നൂർ ഭാഗത്തുനിന്നെത്തുന്ന വാഹനങ്ങളെ അഞ്ജിലിമൂട് പാലം വഴി തിരിച്ചുവിടും

മലങ്കര ജംഗ്ഷൻ :
രാവിലെ 9 മണി മുതൽ, ചെങ്ങന്നൂരിൽ നിന്ന് പന്തളത്തേക്ക് പോകുന്ന വാഹനങ്ങളെ മലങ്കര ജംഗ്ഷനിൽ നിന്ന് വഴിതിരിച്ചുവിടും

ആറാട്ടുപുഴ ജംഗ്ഷൻ :
രാവിലെ 9 മണി മുതൽ, ചെങ്ങന്നൂർ ഭാഗത്തുനിന്നെത്തുന്ന വാഹനങ്ങളെ ആറാട്ടുപുഴ പാലം വഴി തിരിച്ചുവിടും.

കോഴഞ്ചേരി
______________

പഴയതെരുവ് ജംഗ്ഷൻ :
രാവിലെ 9 മണി മുതൽ, കോഴഞ്ചേരിയിൽ നിന്ന് പത്തനംതിട്ടയിലേക്ക് പോകുന്ന വാഹനങ്ങളെ പഴയതെരുവ് ജംഗ്ഷനിൽ നിന്ന് കടമ്മനിട്ട വഴി തിരിച്ചുവിടും.

ടി.ബി. ജംഗ്ഷൻ :
രാവിലെ 9 മണി മുതൽ, തെക്കേമല ജംഗ്ഷനിലേക്കുള്ള പ്രവേശനം ഒഴിവാക്കുകയും വാഹനങ്ങളെ കോഴഞ്ചേരി വൺ-വേ പാതയിലൂടെ തിരിച്ചുവിടുകയും ചെയ്യും.

ആചാരപരമായി വളരെയേറെ പ്രാധാന്യമുള്ളതും , പത്തനംതിട്ട ജില്ലയുടെ സാംസ്കാരികത്തനിമ വിളിച്ചോതുന്നതുമായ ആറന്മുള ഉത്രട്ടാതി ജലമേള സുഗമമായി പൂർത്തിയാക്കുന്നതിനും , ജില്ലയിൽ എത്തിച്ചേരുന്ന ബഹു: ഉപരാഷ്ട്രപതിയുടെ സന്ദർശനം സുരക്ഷിതമായി പൂർത്തിയാക്കുന്നതിനുമായി പൊതു ജനങ്ങൾ ഗതാഗത നിയന്ത്രണ നിർദേശങ്ങളോട് പൂർണമായി സഹകരിക്കണമെന്ന് പത്തനംതിട്ട ജില്ലാ പോലീസ് മേധാവി R. ആനന്ദ് IPS അറിയിച്ചു.