തൃശ്ശൂർ :
കണ്ണമ്പുഴ വീട്ടില്‍ ജിന്‍സണ്‍, മാമ്പുള്ളി വീട്ടില്‍ വിവേക്, പുത്തന്‍പുരയ്ക്കല്‍ ജിഷ്ണു എന്നിവരാണ് വനംവകുപ്പിന്റെ പിടിയിലായത്.

ചെറുക്കുന്നില്‍ ആള്‍താമസമില്ലാത്ത വീട്ടില്‍ നിന്ന് ലഭിച്ച പെരുമ്പാമ്പിനെ പിടികൂടി ഇവര്‍ കറിവയ്ക്കുകയായിരുന്നുവെന്നാണ് വനം വകുപ്പിന്റെ കണ്ടെത്തല്‍. ഇന്നലെ രാത്രിയിലാണ് കേസിനാസ്പദമായ സംഭവം.

ഡെപ്യൂട്ടി റേഞ്ച് ഫോറസ്റ്റ് ഓഫീസര്‍ ഷാജഹാന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. സംഭവത്തില്‍ വനംവകുപ്പ് തുടര്‍ നടപടികള്‍ സ്വീകരിച്ചുവരികയാണ്.