പത്തനംതിട്ട :
എല്ലാ മാസത്തിലെയും നാലാം ശനിയാഴ്ച പോലീസ് അഭിനന്ദന ദിനമായി ആചരിക്കുന്നതുമായി ബന്ധപ്പെട്ട് പത്തനംതിട്ട ജില്ലാ പോലീസ് മേധാവിയുടെ ചേമ്പറിൽ വച്ച് നടന്ന അനുമോദന യോഗത്തിൽ വച്ച് , ഓഗസ്റ്റ് മാസത്തിൽ മികച്ച പ്രവർത്തനം കാഴ്ചവച്ച പോലീസ് ഉദ്യോഗസ്ഥരെ ജില്ലാ പോലീസ് മേധാവി R ആനന്ദ് IPS പ്രശംസ പത്രം നൽകി ആദരിച്ചു.

പന്തളം പോലീസ് സ്റ്റേഷനിലെ ASI ഷൈൻ B, ASI ദീപാ കുമാരി (ലെയ്സൺ ഓഫീസർ, പോക്സോ സ്പെഷ്യൽ കോർട്ട് അടൂർ) , CPO അജിത്ത് കുമാർ AR എന്നിവർക്കാണ് ആദരവ് നൽകിയത്.

2025ൽ പന്തളം പോലീസ് സ്റ്റേഷനിൽ രജിസ്റ്റർ ചെയ്ത പോക്സോ കേസിലെ പ്രതിക്ക് 29 വർഷവും 9 മാസവും കഠിനതടവും 1,36,000 രൂപ പിഴയും ശിക്ഷ വാങ്ങി കൊടുക്കുന്നതിലും കേസിന്റെ വിചാരണ നടപടികൾ കോടതിയിൽ വിജയകരമായി പൂർത്തിയാക്കുന്നതിന് സഹായിച്ചതിനും ആണ് ഈ ഉദ്യോഗസ്ഥർക്ക് പ്രശംസ പത്രം നൽകിയത്. എന്ന് ജില്ലാ പോലീസ് മേധാവി പറഞ്ഞു.

പന്തളം ഇൻസ്പെക്ടർ SHO ആയിരുന്ന പ്രജീഷ് TD ആണ് കേസ് രജിസ്റ്റർ ചെയ്തതും അന്വേഷണം നടത്തി കുറ്റപത്രം സമർപ്പിച്ചതും. അദ്ദേഹം ഇപ്പോൾ മറ്റൊരു ജില്ലയിലാണ്.

കേസുകളുടെ അന്വേഷണം , വിചാരണ നടപടികളിൽ പ്രോസിക്യൂഷനെ സഹായിക്കൽ, മറ്റ് ജനോപകാരപ്രദമായ പ്രവർത്തനങ്ങൾ എന്നിവയിലൂടെ പോലീസ് സേനയുടെ അന്തസ്സ് വർദ്ധിപ്പിക്കുന്ന തരത്തിൽ പ്രവർത്തിക്കുന്ന പോലീസ് ഉദ്യോഗസ്ഥർക്ക് വരും മാസങ്ങളിലും നാലാം ശനിയാഴ്ച അഭിനന്ദനങ്ങൾ നൽകുമെന്നും ജില്ലാ പോലീസ് മേധാവി അറിയിച്ചു.