breaking news New

'നീ ആരാ ബിഗ് ബോസോ ?' ഡ്യൂട്ടിക്കിടെ പൊലീസുകാരനോട് കയർത്തും കയ്യേറ്റം ചെയ്തും യുവാവ് ; കോഴിക്കോട് ആശുപത്രിയിൽ നാടകീയ രംഗങ്ങൾ : പ്രതി കസ്റ്റഡിയിൽ

കോഴിക്കോട്: സർക്കാർ ആശുപത്രിയിൽ ഡ്യൂട്ടിയിലുണ്ടായിരുന്ന പൊലീസുകാരനോട് അസഭ്യവർഷവും കയ്യേറ്റവും നടത്തിയ യുവാവിനെ പൊലീസ് കസ്റ്റഡിയിലെടുത്തു. വെസ്റ്റ്ഹിൽ സ്വദേശി അർജുനെയാണ് പൊലീസ് പിടികൂടിയത്. സംഭവത്തിൽ സിവിൽ പൊലീസ് ഓഫീസർ ജിഷ്ണുവിനാണ് മർദനമേറ്റത്. ആശുപത്രിക്കുള്ളിൽ നടന്ന സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.

കോഴിക്കോട് ബീച്ച് ജനറൽ ആശുപത്രിയിലെ ഒരു മുറിക്കുള്ളിലായിരുന്നു നാടകീയ സംഭവങ്ങൾ. പൊലീസുകാരന്റെ അടുത്തെത്തി ശരീരത്തിൽ തട്ടുകയും വെല്ലുവിളിക്കുകയും ചെയ്ത യുവാവ് 'നീ ആരാ ബിഗ് ബോസോ?' എന്നടക്കം ചോദിച്ച് ആക്രോശിക്കുന്നതും ദൃശ്യങ്ങളിൽ വ്യക്തമാണ്. ഡ്യൂട്ടിയിലുണ്ടായിരുന്ന ഉദ്യോഗസ്ഥനോട് തുടർച്ചയായി തട്ടിക്കയറുകയും ഭീഷണിപ്പെടുത്തുകയും ചെയ്തതോടെ ആശുപത്രിയിൽ പരിഭ്രാന്തി പടർന്നു.

പരിക്കേറ്റ സുഹൃത്തുമായി ആശുപത്രിയിലെത്തിയതായിരുന്നു അർജുൻ. വിദഗ്ധ ചികിത്സയ്ക്കായി സുഹൃത്തിനെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റുന്നതുമായി ബന്ധപ്പെട്ട തർക്കമാണ് സംഘർഷത്തിലേക്ക് നയിച്ചതെന്നാണ് വിവരം.

പൊലീസുകാരനുമായി വാക്കുതർക്കത്തിലേർപ്പെട്ട യുവാവ് ജിഷ്ണുവിനെ തള്ളിയിടുകയും കൈപിടിച്ച് തിരിക്കുകയും ചെയ്തു. തുടർന്ന് സ്ഥലത്തെത്തിയ കൂടുതൽ പൊലീസുകാർ യുവാവിനെ കസ്റ്റഡിയിലെടുക്കുകയായിരുന്നു.

ആശുപത്രിയിലെ ഔദ്യോഗിക കൃത്യനിർവഹണം തടസ്സപ്പെടുത്തിയതിനും പൊലീസുകാരനെ കയ്യേറ്റം ചെയ്തതിനും യുവാവിനെതിരെ കർശന നടപടി സ്വീകരിക്കുമെന്ന് പൊലീസ് അറിയിച്ചു. യുവാവ് ലഹരി ഉപയോഗിച്ചിരുന്നോ എന്നതടക്കമുള്ള കാര്യങ്ങളും പരിശോധിക്കുന്നുണ്ട്.

സംഭവത്തിൽ ആശുപത്രിയിലെ സിസിടിവി ദൃശ്യങ്ങൾ ഉൾപ്പെടെ ശേഖരിച്ച് വിശദമായ അന്വേഷണം നടത്തിവരികയാണ്. സർക്കാർ ആശുപത്രികളിൽ ജോലി ചെയ്യുന്ന ആരോഗ്യപ്രവർത്തകർക്കും പൊലീസുകാർക്കും നേരെയുള്ള അതിക്രമങ്ങൾ വർധിക്കുന്നത് ആശങ്കയുണ്ടാക്കുന്നതായി ജീവനക്കാർ പ്രതികരിച്ചു.

CENTRAL MEDIA NEWS DESK | 🌐 www.cmediaonline.in


സി മീഡിയ ന്യൂസിൽ നിന്നും ഉള്ള വാർത്തകൾ തുടർന്നും ലഭിക്കുവാൻ, സി മീഡിയ ഓൺലൈൻ ന്യൂസ് & ഇൻഫോ വാട്സ്ആപ്പ് ഗ്രൂപ്പിൽ അംഗമാകുവാൻ ഈ ലിങ്കിൽ ക്ലിക്ക് ചെയ്യുക… 👇

https://chat.whatsapp.com/BhxxZeoiXdI3KXQy5t182Y?s=cl&p=a&mlu=4