പുതിയ മോഡലുകളുടെ എക്സ്-ഷോറൂം വില 9.39 ലക്ഷം രൂപ മുതലാണ്.

10 ലക്ഷം രൂപയിൽ താഴെ വിലയിൽ പെട്രോൾ ഓട്ടോമാറ്റിക് ട്രാൻസ്മിഷനോടുകൂടിയ XUV 3XO RevX M(O) വകഭേദവും കമ്പനി അവതരിപ്പിച്ചിട്ടുണ്ട്. പനോരമിക് സൺറൂഫ്, ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവ പിന്തുണയ്ക്കുന്ന 26.03 സെന്റിമീറ്റർ HD ഇൻഫോടെയ്ൻമെന്റ് സിസ്റ്റം, ക്രൂയിസ് കൺട്രോൾ, ലെതറെറ്റ് സീറ്റുകൾ, റിയർ വ്യൂ ക്യാമറ തുടങ്ങിയ ഫീച്ചറുകളാണ് പുതിയ മോഡലുകളുടെ പ്രധാന ആകർഷണം.

പെട്രോൾ മാനുവൽ, പെട്രോൾ ഓട്ടോമാറ്റിക്, ഡീസൽ മാനുവൽ, ഡീസൽ എഎംടി തുടങ്ങിയ പവർട്രെയിൻ ഓപ്ഷനുകളും ലഭ്യമാണ്. പെട്രോൾ മാനുവൽ മോഡലിന് 9.39 ലക്ഷം രൂപയും പെട്രോൾ ഓട്ടോമാറ്റിക് മോഡലിന് 10.59 ലക്ഷം രൂപയും ഡീസൽ മാനുവൽ മോഡലിന് 10.59 ലക്ഷം രൂപയുമാണ് എക്സ്-ഷോറൂം വില.

RevX Edge (O) മോഡലിൽ അധികമായി പനോരമിക് സൺറൂഫ്, റൂഫ് റെയിലുകൾ, ഇലക്ട്രിക്കലി ഫോൾഡബിൾ ORVMകൾ, പാസീവ് കീലെസ് എൻട്രി, പുഷ്-ബട്ടൺ സ്റ്റാർട്ട്, ഓട്ടോമാറ്റിക് ഹെഡ്‌ലാമ്പുകൾ, ഓട്ടോമാറ്റിക് വൈപ്പറുകൾ തുടങ്ങിയ ഫീച്ചറുകളും ഉൾപ്പെടുത്തിയിട്ടുണ്ട്.

RevX Edge (O)യുടെ പെട്രോൾ മാനുവൽ പതിപ്പിന് 9.89 ലക്ഷം രൂപയും പെട്രോൾ ഓട്ടോമാറ്റിക്കിന് 11.09 ലക്ഷം രൂപയും ഡീസൽ മാനുവലിന് 11.09 ലക്ഷം രൂപയും ഡീസൽ എഎംടിക്ക് 11.91 ലക്ഷം രൂപയുമാണ് വില.

2024ൽ പുറത്തിറങ്ങിയ XUV 3XO കുറഞ്ഞ സമയത്തിനുള്ളിൽ ശ്രദ്ധേയമായ വിൽപ്പന നേട്ടമാണ് കൈവരിച്ചതെന്ന് മഹീന്ദ്ര അറിയിച്ചു. രണ്ടര വർഷത്തിൽ താഴെ സമയത്തിനുള്ളിൽ 2.5 ലക്ഷത്തിലധികം യൂണിറ്റുകൾ വിറ്റഴിച്ചതായും കമ്പനി വ്യക്തമാക്കി.

എവറസ്റ്റ് വൈറ്റ്, സ്റ്റെൽത്ത് ബ്ലാക്ക്, ടാംഗോ റെഡ്, നെബുല ബ്ലൂ, ഗാലക്സി ഗ്രേ എന്നീ അഞ്ച് നിറങ്ങളിൽ പുതിയ RevX മോഡലുകൾ ലഭ്യമാണ്.