മെയ്ഡ് ബൈ ഗൂഗിൾ ഇവന്റിലൂടെ ആയിരിക്കും ഫോണിന്റെ ലോഞ്ച് നടക്കുക. ​ഗൂ​ഗിളിന്റെ വെബ്സൈറ്റിലൂടെയാണ് പിക്സെൽ 10ന്റെ പുതിയ വി‍ഡിയോ കമ്പനി പുറത്തു വിട്ടത്. പുതിയ ഡിസൈനിൽ ടെലിഫോട്ടോ ലെൻസ് ഉണ്ടെന്നാണ് റിപ്പോർട്ടുകൾ സൂചിപ്പിക്കുന്നത്.

ഇന്ത്യ‌യിൽ ആ​ഗസ്റ്റ് 21 നായിരിക്കും ഫോൺ ലോഞ്ച് ചെയ്യുന്നത്. സാംസങിന്റെ എസ് 25 സീരിസും ഐഫോണിന്റെ 17 സീരിസും സെംപ്റ്റബറിൽ
പുറത്തിറങ്ങാനിരിക്കെയാണ് ​ഗൂ​ഗിൾ പിക്സെൽ 10 സീരീസ് ലോഞ്ച് ചെയ്യുന്നത്. കഴിഞ്ഞ വർഷം വരെ ഒക്ടോബറിലാണ് പുതിയ ഡിവൈസുകൾ ലോഞ്ച് ചെയ്തിരുന്നത്.

പിക്സൽ 10 നിരയിലെ മൂന്ന് ഫോണുകളിലും പുതിയ ടെൻസർ ജി5 ചിപ്‌സെറ്റ് ആയിരിക്കും ഉണ്ടാവുക. ഗൊറില്ല ഗ്ലാസ് വിക്ടസ് 2 വിന്റെ സംരക്ഷണവും ഈ ഡിവൈസിലുണ്ട്. 6.3 ഇഞ്ച് ഫുൾ എച്ച്ഡി+ 120Hz OLED ഡിസ്‌പ്ലേയും 3,000 നിറ്റ്‌സ് പീക്ക് ബ്രൈറ്റ്‌നസുമാണ് പിക്സൽ 10 ന്റെ മറ്റ് സവിശേഷതകൾ. 29W വയർഡ് ഫാസ്റ്റ് ചാർജിങ്ങും 15W വയർലസ് ചാർ‍ജിങ്ങും ഈ ഫോണിലുണ്ട്. 48MP പ്രൈമറി ഷൂട്ടർ ക്യാമറയും ​ഡിവൈസിന്റെ മറ്റ് സവിശേഷതകളിൽ ഒന്നാണ്. അൾട്രാ-വൈഡ്-ആംഗിൾ ലെൻസുകൾ ഈ വർഷം 48 MP ​യിൽ നിന്നും 12 MP യായി കുറയുമെന്നും റിപ്പോർട്ടുണ്ട്.