കൂടൽ :
കൂടൽ പോലീസ് സ്റ്റേഷൻ പരിധിയിൽ കലഞ്ഞൂർ വലിയ പള്ളിക്ക് സമീപം വെച്ച് അടൂർ പഴകുളം സ്വദേശി ലൈജു എന്ന ആളുടെ കാറിൽ നിന്നും കഞ്ചാവും എം ഡി എം എയും , ഫാഷിഷ് ഓയിലും ഉൾപ്പെടെയുള്ള ലഹരി വസ്തുക്കൾ പിടികൂടി.

ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ജില്ലാ ഡാൻസാഫ് ടീമിന്റെയും അടൂർ സബ് ഡിവിഷൻ ഡാൻസാഫ് ടീമിന്റെയും സംയുക്ത പരിശോധനയിലാണ് ലഹരി മരുന്നുകൾ പിടികൂടിയത്.
പിടികൂടിയ ലഹരിവസ്തുക്കൾ പോലീസ് പരിശോധിച്ചു വരികയാണ്.

പ്രതികൾ സഞ്ചരിച്ചു വന്ന KL 31 V 5406 നമ്പർ ബൊലേനോ കാറിൽ നിന്ന് 400 ഗ്രാം കഞ്ചാവും 13. 508 ഗ്രാം MDMA യും 2.303 ഗ്രാം ഹാഷിഷ് ഓയിലും ആണ് പത്തനംതിട്ട ജില്ല ഡാൻസാഫ് ടീമും അടൂർ സബ് ഡിവിഷൻ ഡാൻസാഫ് ടീമും ചേർന്ന് പിടിച്ചെടുത്തിട്ടുള്ളത്.

ലൈജു
പൊന്മന കിഴക്കേതിൽ
പഴകുളം, ശ്യാം കാവിൽ
നൂറനാട് പാലമേൽ, അരുൺ വട്ടയത്തിനാൽ
നൂറനാട് , കിരൺ ശ്രീഹരി
നൂറനാട് എന്നീ ആൾക്കാരുടെ കയ്യിൽ നിന്നുമാണ് നിരോധിത ലഹരി വസ്തുക്കൾ പിടിച്ചത്.

ജില്ലാ പോലീസ് മേധാവി R ആനന്ദ് IPS ന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ജില്ലാ ഡാൻസാഫ് ടീമിന് നിർദ്ദേശം നൽകുകയും കഴിഞ്ഞ ഒരു മാസത്തോളമായി ഈ സംഘത്തിന്റെ നീക്കങ്ങൾ നിരീക്ഷിച്ചു വരികയുമായിരുന്നു. സംഘത്തിലെ പ്രധാനി ലൈജു നിരവധി മയക്കുമരുന്ന് കേസുകളിൽ പ്രതിയും കാപ്പ കേസിൽ പ്രതിയും കേരളത്തിലും, ആന്ധ്രപ്രദേശിലും ഉൾപ്പെടെ മയക്കുമരുന്ന് കേസിൽ ശിക്ഷ അനുഭവിച്ചിട്ടുള്ള ആളുമാണ്.

ഈ സംഘത്തിലെ മറ്റുള്ളവരും നിരവധി മയക്കുമരുന്ന് കേസുകളിൽ പ്രതികളാണ്. സംഘത്തലവൻ ലൈജു കൂടൽ പോലീസ് സ്റ്റേഷൻ പരിധിയിൽ കലഞ്ഞൂർ- കരിച്ചന്നൂർ എന്ന സ്ഥലത്ത് ഒരു വാടക വീട്ടിൽ കഴിഞ്ഞു വരികയായിരുന്നു. ഇവിടെ നിന്നും കഞ്ചാവ് , എംഡി എം എ , ഹാഷിഷ് ഓയിൽ എന്നിവയുമായി പ്രതികൾ ഒരു കാറിൽ സഞ്ചരിക്കുന്നു എന്ന് മനസ്സിലാക്കിയ പോലീസ് സംഘം സ്ഥലത്തെത്തി പോലീസ് ജീപ്പ് കാറിനു കുറുകെ നിർത്തി വാഹനം തടഞ്ഞാണ് ഇവരെ പിടികൂടിയത്.

പ്രതികൾ കാറിനുള്ളിൽ നിന്ന് പോലീസിന് നേരെ പെപ്പർ സ്പ്രേ ഉപയോഗിച്ച് ആക്രമണം നടത്തുകയും കാറിൽ ഉണ്ടായിരുന്ന ലഹരി വസ്തുക്കൾ ഉപേക്ഷിക്കാൻ ശ്രമം നടത്തുകയും ചെയ്തു. സാഹസികമായാണ് പോലീസ് സംഘം ഇവരെ കീഴ്പെടുത്തിയത്.

ജില്ലാ പോലീസ് മേധാവിയുടെ നിർദ്ദേശാനുസരണം ജില്ലാ നായർക്കോട്ടിക് സെൽ ഡിവൈഎസ്പി റെജി എബ്രഹാം , ഇൻസ്പെക്ടർ വിനോദ് എന്നിവരുടെ മേൽനോട്ടത്തിൽ പ്രവർത്തിച്ച സംഘത്തിൽ ജില്ലാ ഡാൻസാഫ് സബ് ഇൻസ്പെക്ടർമാരായ വിഷ്ണു യു വി , വിഷ്ണു അജയ് , അജികുമാർ , എന്നിവരും, ഡാൻസാഫ് അംഗങ്ങളായ ബിനു ആർ , നിതിൻ ജോസ് , സുജിത്ത് , വിമൽ , ജിതിൻ, ഷെഫീഖ് , ശ്രീരാജ് എന്നിവരും അടൂർ സബ് ഡിവിഷൻ ഡാൻസാഫ് അംഗങ്ങളായ ഹരി അൻസിൽ സുമേഷ് രഞ്ജിത്ത് അനൂപ് എന്നിവരും ഉൾപ്പെട്ട സംഘമാണ് പ്രതികളെ പിടികൂടിയത് .