breaking news New

കള്ളനെ പേടിച്ച് ഷൂസിനുള്ളിൽ സ്വർണം ഒളിപ്പിച്ചു ; അറിയാതെ പഴയ ഷൂസ് ഹരിതകർമ്മ സേനയ്ക്ക് നൽകി : മണിക്കൂറുകൾ നീണ്ട തിരച്ചിലിനൊടുവിൽ സ്വർണം തിരിച്ചുകിട്ടി

പാലക്കാട്: കള്ളനെ പേടിച്ച് സുരക്ഷിതമെന്ന് കരുതി ഭാര്യ ഒളിപ്പിച്ച സ്വർണം അറിയാതെ ഹരിതകർമ്മ സേനയ്ക്ക് കൈമാറി ഭർത്താവ്. പഴയ ഷൂസിനുള്ളിൽ ഒളിപ്പിച്ചിരുന്ന സ്വർണമാണ് ഭർത്താവ് അറിയാതെ കൈമാറിയത്. എന്നാൽ മണിക്കൂറുകൾ നീണ്ട തിരച്ചിലിനൊടുവിൽ സ്വർണം കണ്ടെത്തി ഉടമയ്ക്ക് തിരികെ നൽകി ഹരിതകർമ്മ സേനാംഗങ്ങൾ.

പട്ടാമ്പി ഹാർമണി സ്ട്രീറ്റിൽ താമസിക്കുന്ന അധ്യാപക ദമ്പതികളായ ജോണിന്റെയും ബീനയുടെയും വീട്ടിലാണ് രസകരമായ സംഭവം അരങ്ങേറിയത്. ഇരുവരും ജോലിക്ക് പോകുന്നതിനാൽ വീട്ടിലെ സ്വർണം സുരക്ഷിതമായി സൂക്ഷിക്കണമെന്ന ചിന്തയിലാണ് ബീന ഭർത്താവിന്റെ പഴയ ഷൂസിനുള്ളിൽ സ്വർണം ഒളിപ്പിച്ചത്.

എന്നാൽ ഷൂസിനുള്ളിലെ രഹസ്യം അറിയാതിരുന്ന ജോൺ, വീട്ടിലെത്തിയ ഹരിതകർമ്മ സേനാംഗങ്ങൾക്ക് പഴയ ഷൂസ് കൈമാറുകയായിരുന്നു. ജോലി കഴിഞ്ഞ് വീട്ടിലെത്തിയ ബീന ഷൂസ് കാണാതായതോടെയാണ് സ്വർണം നഷ്ടപ്പെട്ട വിവരം തിരിച്ചറിഞ്ഞത്.

തുടർന്ന് നടത്തിയ അന്വേഷണത്തിനൊടുവിൽ ഹരിതകർമ്മ സേനാംഗങ്ങളെ വിവരം അറിയിച്ചു. മണിക്കൂറുകൾ നീണ്ട തിരച്ചിലിനൊടുവിൽ സ്വർണം കണ്ടെത്തിയ സേനാംഗങ്ങൾ അത് സുരക്ഷിതമായി ഉടമയ്ക്ക് തിരികെ നൽകി. ഭാര്യയുടെ രഹസ്യ ഒളിത്താവളം ഭർത്താവിന്റെ കൈകളിലൂടെ മാലിന്യശേഖരണത്തിലേക്ക് എത്തിയെങ്കിലും ഹരിതകർമ്മ സേനയുടെ ഇടപെടലിൽ സ്വർണം നഷ്ടപ്പെടാതെ തിരിച്ചുകിട്ടി.

CENTRAL MEDIA NEWS DESK | 🌐 www.cmediaonline.in


സി മീഡിയ ന്യൂസിൽ നിന്നും ഉള്ള വാർത്തകൾ തുടർന്നും ലഭിക്കുവാൻ, സി മീഡിയ ഓൺലൈൻ ന്യൂസ് & ഇൻഫോ വാട്സ്ആപ്പ് ഗ്രൂപ്പിൽ അംഗമാകുവാൻ ഈ ലിങ്കിൽ ക്ലിക്ക് ചെയ്യുക… 👇

https://chat.whatsapp.com/BhxxZeoiXdI3KXQy5t182Y?s=cl&p=a&mlu=4