breaking news New

കോഴിക്കോട് ബീച്ചിൽ നവജാത ശിശുവിന്റെ മൃതദേഹം ; കണ്ടെത്തിയത് ഓപ്പൺ സ്റ്റേജിന് സമീപം : കൊലപാതകമെന്ന സംശയവും പരിശോധിച്ച് പോലീസ്

കോഴിക്കോട് : പ്രഭാതസവാരിക്കെത്തിയവരെ ഞെട്ടിച്ച് കോഴിക്കോട് ബീച്ചിൽ നവജാത ശിശുവിന്റെ മൃതദേഹം കണ്ടെത്തി. ഇന്ന് രാവിലെയാണ് ബീച്ചിലെ ഓപ്പൺ സ്റ്റേജിന് മുൻവശത്തുനിന്ന് മൃതദേഹം കണ്ടെത്തിയത്. സംഭവം പ്രദേശത്ത് വലിയ ആശങ്കയും ഞെട്ടലും സൃഷ്ടിച്ചു.

രാവിലെ നടക്കാനെത്തിയവരാണ് മൃതദേഹം ആദ്യം കണ്ടത്. തുടർന്ന് വിവരം പോലീസിനെ അറിയിക്കുകയായിരുന്നു. വെള്ളയിൽ പോലീസ് സ്ഥലത്തെത്തി അന്വേഷണം ആരംഭിച്ചു.

കുഞ്ഞ് മരിച്ചശേഷം ആരെങ്കിലും മൃതദേഹം ബീച്ചിൽ ഉപേക്ഷിച്ചതാണോ, അതോ കൊലപാതകമാണോ നടന്നതെന്നതുൾപ്പെടെ എല്ലാ സാധ്യതകളും പോലീസ് പരിശോധിക്കുന്നുണ്ട്. കുഞ്ഞിന്റെ അമ്മയെ കണ്ടെത്തുന്നതിനായും അന്വേഷണം ആരംഭിച്ചിട്ടുണ്ട്.

സംഭവസ്ഥലത്തിന് സമീപം സി.സി.ടി.വി ക്യാമറകൾ ഇല്ലാത്തത് അന്വേഷണത്തിന് വെല്ലുവിളിയാകുന്നുണ്ട്. ഇതോടെ പ്രതിയെയോ സംഭവത്തിന് പിന്നിലുള്ളവരെയോ കണ്ടെത്തുന്നത് വൈകാനിടയുണ്ടെന്നാണ് സൂചന.

ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്മോർട്ടത്തിനായി കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റും. പോസ്റ്റ്മോർട്ടം റിപ്പോർട്ടും തുടർ അന്വേഷണവും നിർണായകമാകും.

നവജാത ശിശുവിന്റെ മൃതദേഹം ബീച്ചിൽ ഉപേക്ഷിക്കപ്പെട്ട നിലയിൽ കണ്ടെത്തിയ സംഭവത്തിന്റെ പിന്നിലെ ദുരൂഹത നീക്കാനുള്ള അന്വേഷണത്തിലാണ് പോലീസ്.

CENTRAL MEDIA NEWS DESK | 🌐 www.cmediaonline.in


സി മീഡിയ ന്യൂസിൽ നിന്നും ഉള്ള വാർത്തകൾ തുടർന്നും ലഭിക്കുവാൻ, സി മീഡിയ ഓൺലൈൻ ന്യൂസ് & ഇൻഫോ വാട്സ്ആപ്പ് ഗ്രൂപ്പിൽ അംഗമാകുവാൻ ഈ ലിങ്കിൽ ക്ലിക്ക് ചെയ്യുക… 👇

https://chat.whatsapp.com/BhxxZeoiXdI3KXQy5t182Y?s=cl&p=a&mlu=4