പത്തനംതിട്ട: മൂർഖൻ പാമ്പിന്റെ കടിയേറ്റിട്ടും പതറാതെ പാമ്പിനെ കുപ്പിയിലാക്കി ആശുപത്രിയിലെത്തിച്ച് 75കാരൻ. അടൂർ പതിനാലാം മൈൽ സ്വദേശിയായ വയോധികനാണ് അസാധാരണമായ ഈ നടപടിയിലൂടെ ശ്രദ്ധ നേടിയത്.
നവംബർ 17 ചൊവ്വാഴ്ച വൈകിട്ട് അഞ്ചുമണിയോടെയായിരുന്നു സംഭവം. വീട്ടിലെ അലക്കുകല്ലിന് സമീപം കിടന്നിരുന്ന തുണികൾക്കിടയിൽ ഒളിച്ചിരുന്ന മൂർഖൻ പാമ്പ് വയോധികന്റെ ചൂണ്ടുവിരലിൽ കടിക്കുകയായിരുന്നു.
പാമ്പുകടിയേറ്റതിന് പിന്നാലെ മൂർഖനെ കുപ്പിയിലാക്കി വയോധികൻ അടൂർ ലൈഫ് ലൈൻ ആശുപത്രിയിലെത്തി. തുടർന്ന് ആശുപത്രിയിലെ ക്രിട്ടിക്കൽ കെയർ മെഡിസിൻ വിഭാഗം മേധാവി ഡോ. ബെൻജു ഷാജി വർഗീസിന്റെയും കൺസൾട്ടന്റ് ഇന്റൻസിവിസ്റ്റ് ഡോ. എഫ്. ജമീലയുടെയും നേതൃത്വത്തിൽ ചികിത്സ നൽകി.
പാമ്പുകടിയേറ്റ സാഹചര്യത്തിൽ സമയബന്ധിതമായ ചികിത്സ നിർണായകമാണ്. അതേസമയം, പാമ്പിനെ പിടിക്കാനോ കൊല്ലാനോ ശ്രമിക്കുന്നത് കൂടുതൽ അപകടത്തിന് ഇടയാക്കുമെന്നതിനാൽ ഇത്തരം സാഹചര്യങ്ങളിൽ സുരക്ഷിതമായി മാറി ഉടൻ ചികിത്സ തേടുകയാണ് വേണ്ടത്.
പാമ്പുകടിയേറ്റിട്ടും മൂർഖനെ കുപ്പിയിലാക്കി ആശുപത്രിയിലെത്തിച്ച 75കാരന്റെ നടപടി അടൂരിൽ ചർച്ചയാകുന്നു!
CENTRAL MEDIA NEWS DESK | 🌐 www.cmediaonline.in
മൂർഖൻ പാമ്പ് കടിച്ചു ; വിട്ടുകൊടുക്കാതെ പാമ്പിനെ കുപ്പിയിലാക്കി ആശുപത്രിയിലെത്തി 75-കാരൻ ! പത്തനംതിട്ട അടൂരിൽ കൗതുകവും ആശങ്കയും നിറച്ച സംഭവം
Advertisement
Advertisement
Advertisement