നെയ്യാറ്റിൻകര: പ്രായപൂർത്തിയാകാത്ത സ്കൂൾ വിദ്യാർത്ഥിനിയെ ലൈംഗികമായി പീഡിപ്പിക്കാൻ ശ്രമിച്ച കേസിൽ 75കാരനായ റിട്ടയേർഡ് സബ് ഇൻസ്പെക്ടർ അറസ്റ്റിൽ. നെയ്യാറ്റിൻകര സ്വദേശി ശിവരാജനെയാണ് പൊലീസ് പോക്‌സോ നിയമപ്രകാരം അറസ്റ്റ് ചെയ്തത്.

ട്യൂഷൻ സെന്ററിൽ നിന്ന് വീട്ടിലേക്ക് മടങ്ങുകയായിരുന്ന പെൺകുട്ടിയെ വിജനമായ സ്ഥലത്ത് തടഞ്ഞുനിർത്തി ലൈംഗികമായി ഉപദ്രവിക്കാൻ ശ്രമിച്ചെന്നാണ് പരാതി. പെൺകുട്ടിയുടെ പരാതിയിൽ കേസെടുത്ത പൊലീസ് പ്രതിയെ കസ്റ്റഡിയിലെടുക്കുകയായിരുന്നു.

തിരുവനന്തപുരം ഫോർട്ട് പൊലീസ് സ്റ്റേഷനിലെ ഉദയകുമാർ ഉരുട്ടിക്കൊലക്കേസിലെ രണ്ടാം പ്രതിയായിരുന്ന പൊലീസ് ഉദ്യോഗസ്ഥൻ എസ്.വി. ശ്രീകുമാറിന്റെ പിതാവാണ് ശിവരാജൻ.

അറസ്റ്റിന് പിന്നാലെ നെഞ്ചുവേദന അനുഭവപ്പെട്ടതിനെ തുടർന്ന് പ്രതിയെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

CENTRAL MEDIA NEWS DESK | 🌐 www.cmediaonline.in