ഹൃദയാഘാതത്തെ തുടർന്ന് ചികിത്സയിലായിരുന്ന അവർ നവംബർ 4-നാണ് അന്തരിച്ചതെന്ന് ബന്ധുക്കൾ സ്ഥിരീകരിച്ചു. ഒക്ടോബർ 27-നുണ്ടായ ഹൃദയാഘാതത്തെ തുടർന്ന് ലോസ് ആഞ്ചലസിലെ ആശുപത്രിയിൽ പ്രവേശിപ്പിക്കപ്പെട്ട കിമ്മിരീ അവിടെ വെച്ചാണ് മരണത്തിന് കീഴടങ്ങിയത്.

1993-ലെ ‘മിസ് പെൻസിൽവാനിയ യു.എസ്.എ’ വിജയിയും മിസ് യു.എസ്.എ ഫൈനലിസ്റ്റുമായിരുന്നു അവർ. 1998-ൽ പ്രശസ്ത ടെലിവിഷൻ പരമ്പരയായ ‘ബെവർലി ഹിൽസ് 90210’ ലൂടെയാണ് അഭിനയരംഗത്തേക്ക് വരുന്നത്. ‘ഡ്യൂഡ്, വേർ ഈസ് മൈ കാർ?’, ‘വി.ഐ.പി’, ‘ദി സമ്മർ ഓഫ് മാസാക്കർ’ തുടങ്ങിയ ചിത്രങ്ങളിലും പരമ്പരകളിലും പ്രധാന വേഷങ്ങളിൽ അഭിനയിച്ചിട്ടുണ്ട്. 2011-ൽ ‘സ്‌കിൻഗ്ലോ ബൈ കിമ്മറി’ എന്ന സ്വന്തം ചർമ്മസംരക്ഷണ സംരംഭത്തിനും അവർ തുടക്കമിട്ടു.