തിരുവല്ല : വൈസ് മെൻ ഇൻറർനാഷണൽ പ്രളയ ദുരിതം അനുഭവിക്കുന്ന വിവിധ പ്രദേശങ്ങളിൽ സഹായഹസ്തവുമായി എത്തി.
പെരിങ്ങര, കടപ്ര, മേപ്രാൽ, കുറ്റൂർ, തിരുവല്ല കാക്കത്തുരുത്ത് എന്നീ പ്രദേശങ്ങളിലെ വിവിധ സ്ഥലങ്ങളിൽ ഒറ്റപ്പെട്ടു കിടക്കുന്നവർക്ക് സഹായങ്ങൾ എത്തിച്ചു.
വള്ളങ്ങൾ, ചെങ്ങാടം എന്നീ മാർഗങ്ങൾ ഉപയോഗിച്ചാണ് പല ഭവനങ്ങളിലും എത്തിച്ചേർന്നത്.
തിരുവല്ല എംഎൽഎ വർഗീസ് മാമൻ, പുള്ളികീഴ് ബ്ലോക്ക് പഞ്ചായത്ത് പ്രസിഡണ്ട് ഈപ്പൻ കുര്യൻ, ജില്ലാ പഞ്ചായത്ത് മെമ്പർ സാം ഈപ്പൻ, തിരുവല്ല മുൻസിപ്പൽ ചെയർമാൻ ലേഖ എസ്, തിരുവല്ല തഹസിൽദാർ ജോബിൻ, പ്രോഗ്രാം കോഡിനേറ്റർമാർ ആയ ശ്രീ കുര്യൻ ചെറിയാൻ, ഉദയകുമാർ, ശ്രീ പ്രദീപ് കെ പി , മാധ്യമ പ്രവർത്തകൻ സിബി എ സി വി എന്നിവർ ഈ പ്രോഗ്രാമിന് നേതൃത്വം നൽകി.
