ദക്ഷിണാഫ്രിക്ക, സിംബാബ്വെ, നമീബിയ എന്നീ രാജ്യങ്ങള്‍ സംയുക്തമായാണ് ലോകകപ്പ് സംഘടിപ്പിക്കുന്നത്. 24 വര്‍ഷത്തെ നീണ്ട ഇടവേളയ്‌ക്ക് ശേഷമാണ് ഏകദിന ലോകകപ്പ് ആഫ്രിക്കന്‍ വന്‍കരയിലേക്ക് തിരിച്ചെത്തുന്നത്. 2027 ഒക്ടോബര്‍-നവംബര്‍ മാസങ്ങളിലായി നടക്കുന്ന ടൂര്‍ണമെന്റില്‍ 14 രാജ്യങ്ങള്‍ പങ്കെടുക്കും. ആകെ 12 വേദികള്‍.

ഏഴ് ലോകാത്ഭുതങ്ങളിലൊന്നായ സിംബാബ്വെയിലെ വിക്ടോറിയ ഫോള്‍സിന് സമീപം പുതുതായി നിര്‍മിച്ച മോസി-ഓ-തുന്യ ഇന്റര്‍നാഷണല്‍ സ്റ്റേഡിയം ലോകകപ്പ് മത്സരവേദിയാണ്.

ദക്ഷിണാഫ്രിക്കയില്‍ 8 ഗ്രൗണ്ടുകളാണ് ലോകകപ്പ് മത്സരങ്ങള്‍ക്ക് ആതിഥേയത്വം വഹിക്കുക. വാണ്ടറേഴ്‌സ് സ്റ്റേഡിയം (ജോഹന്നസ്ബര്‍ഗ്), സൂപ്പര്‍സ്‌പോര്‍ട്ട് പാര്‍ക്ക് (സെഞ്ചൂറിയന്‍), ന്യൂലാന്‍ഡ്‌സ് (കേപ് ടൗണ്‍), കിങ്‌സ്മീഡ് (ഡര്‍ബന്‍), സെന്റ് ജോര്‍ജ് പാര്‍ക്ക് (ഗെബെഹ), മംഗാങ് ഓവല്‍ (ബ്ലൂംഫോണ്ടെയ്ന്‍), ബോലാണ്ട് പാര്‍ക്ക് (പാര്‍ള്‍), ബഫലോ പാര്‍ക്ക് (കിഴക്കന്‍ ലണ്ടന്‍ / കൂഗോമ്പോ). സിംബാബ്വെയില്‍ 3 ഗ്രൗണ്ടുകളും ലോകകപ്പിന് വേദിയാകും.

മോസി-ഓ-തുന്യ ഇന്റര്‍നാഷണല്‍ സ്റ്റേഡിയം (വിക്ടോറിയ ഫോള്‍സ്), ഹരാരെ സ്‌പോര്‍ട്‌സ് ക്ലബ് (ഹരാരെ), ക്വീന്‍സ് സ്‌പോര്‍ട്‌സ് ക്ലബ് (ബുലവായോ) എന്നിവയാണ് സിംബാബ്വെയിലെ വേദികള്‍. നമീബിയയില്‍ ഒരു ഗ്രൗണ്ടില്‍ മാത്രമാണ് മത്സരമുള്ളത്. വിന്‍ഡ്‌ഹോക്കിലെ നമീബിയ ക്രിക്കറ്റ് ഗ്രൗണ്ടാണ് ലോകകപ്പിന് വേദിയാകുക.