43,078 വോട്ടോടെ രാഷ്‌ട്രീയ എതിരാളികളെ ഞെട്ടിച്ച് മണ്ഡല ചരിത്രത്തില്‍ ഇതാദ്യമായി രണ്ടാം സ്ഥാനത്തേക്ക് എത്തി ബിജെപി സംസ്ഥാന ജനറല്‍ സെക്രട്ടറി അനൂപ് ആന്റണി.

ഒന്നിലേറെ റൗണ്ടുകളില്‍ ലീഡ് നിലനിര്‍ത്താന്‍ അനൂപ് ആന്റണിക്കായി. യുഡിഎഫിലെ അഡ്വ. വര്‍ഗീസ് മാമന്‍ 53,224 വോട്ട് നേടിയാണ് വിജയിച്ചത്. ദീര്‍ഘകാലം മണ്ഡലത്തെ പ്രതിനിധീകരിച്ച മുന്‍മന്ത്രി കൂടിയായ എല്‍ഡിഎഫ് സ്ഥാനാര്‍ത്ഥി അഡ്വ. മാത്യു ടി. തോമസ് മൂന്നാം സ്ഥാനത്തേക്ക് തള്ളപ്പെട്ടു. 42,023 വോട്ടുകള്‍ മാത്രമാണ് മാത്യു ടി. തോമസിന് നേടാനായത്.

2021-ല്‍ 22,674 വോട്ടുകള്‍ മാത്രമാണ് ബിജെപിക്ക് ലഭിച്ചത്. ചിട്ടയായ പ്രവര്‍ത്തനമാണ് എന്‍ഡിഎയെ വിജയത്തിന് അരികിലെത്തിച്ചത്.
അപ്പര്‍കുട്ടനാടന്‍ കാര്‍ഷിക ജനത ആവേശോജ്വല മുന്നേറ്റമാണ് അനൂപ് ആന്റണിക്ക് നല്‍കിയത്. കേന്ദ്ര കാര്‍ഷിക നയങ്ങളുടെ പിന്തുണയും കിസാന്‍ സമ്മാന്‍ നിധി അടക്കമുള്ള പദ്ധതികളും ജനങ്ങള്‍ ഏറ്റെടുത്തതും നേട്ടമായി.

കുറ്റൂര്‍, പെരിങ്ങര, നിരണം, കടപ്ര, നെടുമ്പ്രം തുടങ്ങിയ അപ്പര്‍കുട്ടനാടന്‍ മേഖലകളില്‍ ബിജെപിക്ക് ഏകപക്ഷീയ മുന്നേറ്റമാണ് ലഭിച്ചത്. പരമ്പരാഗത എതിർ വോട്ടുകളും പിടിച്ചെടുക്കാൻ അനൂപ് ആന്റണിക്കായി. സംസ്ഥാന സര്‍ക്കാരിന്റെ കര്‍ഷകദ്രോഹ നയങ്ങളും നെല്ല് സംഭരണത്തിലെ വീഴ്ചയും മണ്ഡലത്തില്‍ പ്രധാന ചര്‍ച്ചയായിരുന്നു.