ശസ്ത്രക്രിയ നടത്തിയ ഡോക്ടർമാരുടെയും ആരോഗ്യപ്രവർത്തകരുടെയുമെല്ലാം സാന്നിധ്യത്തിലായിരുന്നു അവർ നേരിൽ കണ്ടത്.

കണ്ടുനിന്നവരുടെയെല്ലാം കണ്ണും മനസും ഒരുപോലെ നിറഞ്ഞ നിമിഷമായിരുന്നു അത്. രണ്ട് മാസങ്ങൾക്ക് മുൻപ് അരുൺ- ഷെറിൻ ദമ്പതികളുടെ ജീവിതത്തിൽ നിന്നും വിടപറഞ്ഞ പോയ ആ മാലാഖകുഞ്ഞിനെ അവർ ഒരിക്കൽ കൂടി തൊടുകയായിരുന്നു. അവരുടെ കൈകൾക്കുള്ളിൽ കിടന്ന് കുഞ്ഞ് ദ്രിയയും ആ വാത്സല്യം ആവോളം അനുഭവിച്ചു. നഷ്ടപ്പെടലിന്റെയും തിരിച്ചുകിട്ടലിന്റെയും ഒരു കൂടിച്ചേരലായി അത് മാറി.

ഫെബ്രുവരി 5 ന് വാഹനാപകടത്തിൽ പരിക്കേറ്റാണ് പത്തനംതിട്ട മല്ലപ്പള്ളി സ്വദേശി ആലിൻ ഷെറിൻ (13) ഈ ലോകത്ത് നിന്നും വിട പറഞ്ഞത്. പത്തുമാസത്തെ ജീവിതത്തിനിടയിൽ നാലുപേർക്കു പുതുജീവൻ നൽകിയാണ് അവൾ മടങ്ങിയത്. ആലിൻ പകുത്തു നൽകിയ കരളുമായി ദ്രിയ നിറമുള്ള സ്വപ്നങ്ങളിലേക്ക് ചുവടുവച്ചുതുടങ്ങി. കിംസ് ആശുപത്രി സംഘടിപ്പിച്ച ശലഭം പരിപാടിയിലാണ് ഇവർ ഒത്തുചേർന്നത്.