കൊരട്ടി കോനൂര്‍ പള്ളി വികാരി ഫാ. ജോസഫ് കോടിയനെതിരെ പോലീസ് കേസെടുത്തു. കഴിഞ്ഞ ദിവസമാണ് ജോസഫ് പ്രായപൂര്‍ത്തിയാകാത്ത കുട്ടിക്ക് നേരെ ലൈംഗികാതിക്രമം നടത്തിയത്.

പെസഹാ ചടങ്ങുകളോട് അനുബന്ധിച്ച് വീടുകളില്‍ സന്ദര്‍ശനം നടത്തുന്നതിനിടെയായിരുന്നു അതിക്രമം. ആരോഗ്യ പ്രശ്‌നങ്ങള്‍ നേരിട്ട കുട്ടി ബന്ധുക്കളോട് വിവരം അറിയിക്കുകയും തുടര്‍ന്ന് ബന്ധുക്കള്‍ പൊലീസിലും സഭയിലും വിവരം അറിയിക്കുകയുമായിരുന്നു.

സംഭവത്തില്‍ പൊലീസ് കേസെടുത്തതിന് പിന്നാലെ വൈദികന്‍ ഒളിവില്‍ പോയതായി പൊലീസ് പറഞ്ഞു. മൂന്ന് വര്‍ഷങ്ങള്‍ക്ക് മുന്‍പും സമാനമായ കേസില്‍ പ്രതിയായ ഫാ.ജോസഫ് കോടിയന്‍ ജയില്‍ ശിക്ഷ അനുഭവിച്ചിരുന്നു.