കൊല്ലാട് പറക്കൽകടവിൽ കാർ തോട്ടിലേക്ക് മറിഞ്ഞ് തോട്ടക്കാട് സ്വദേശിയായ യുവാവ് മരിച്ചു. തോട്ടക്കാട് സ്വദേശി അനൂപ് (48) ആണ് അപകടത്തിൽ മരിച്ചത് .

ഇന്ന് വൈകുന്നേരം നാലുമണിയോടെയായിരുന്നു സംഭവം നടന്നത് . അപകടസമയത്ത് കാറിലുണ്ടായിരുന്ന മറ്റ് രണ്ട് യുവാക്കളെ നാട്ടുകാർ സമയോചിതമായി ഇടപെട്ട് രക്ഷപ്പെടുത്തി.

നിയന്ത്രണം വിട്ട കാർ തോട്ടിലേക്ക് പതിക്കുകയായിരുന്നു എന്നാണ് പ്രാഥമിക വിവരം. ഉടൻ തന്നെ രക്ഷാപ്രവർത്തനം നടത്തിയെങ്കിലും അനൂപിന്റെ ജീവൻ രക്ഷിക്കാനായില്ല. മറ്റ് രണ്ട് പേരും നിലവിൽ സുരക്ഷിതരാണ്.